Тым часам санаторна‑аздараўленчыя арганізацыі Беларусі ўжо прадалі больш за 90% усіх пуцёвак на летні сезон.
У 2010 годзе сярэдні кошт пуцёўкі ў беларускія санаторыі на перыяд летняга аздараўлення павысіўся на 9%.
Пра гэта паведаміў у сераду на прэс‑канферэнцыі намеснік дырэктара Рэспубліканскага цэнтра па аздараўленні і санаторна‑курортным лячэнні насельніцтва Генадзь Балбатоўскі.
Паводле яго словаў, кошты павялічыліся ў межах прагнозных паказчыкаў і ў сярэднім склалі 917 тыс. рублёў за пуцёўку на 18 дзён.
За суткі знаходжання цэны вагаюцца 40 тыс. у санаторыі на тэрыторыі Беларусі да $100 у беларускім санаторыі за мяжой — у Сочы, Туапсэ ды інш, распавёў Генадзь Балбатоўскі.
Ён таксама адзначыў, што тыя, хто не клапоціцца пра набыццё пуцёвак на летні час да сярэдзіны красавіка, у далейшым не паспеюць іх набыць.
Санаторна‑аздараўленчыя арганізацыі Беларусі ўжо прадалі больш за 90% усіх пуцёвак.
Каментары