Беларусы ў Польшчы атрымліваюць дзіўныя лісты з патрабаваннем пакінуць краіну цягам 10 дзён
«Нашай Ніве» стала вядома як мінімум пра два выпадкі, калі беларусы ў Польшчы атрымалі па пошце лісты з дзіўным зместам.
Адзін з атрымальнікаў ліста жыве ў Гданьску, другі — у Варшаве. Дзіўныя лісты беларусы знайшлі ў паштовых скрынках у чацвер і пятніцу адпаведна.
У лісце гаворыцца наступнае:
«Генеральная пракуратура Польшчы з пачатку 2025 года фіксуе рэзкі рост пагрозы злачынстваў у краіне, звязаных з удзелам грамадзян Беларусі. Адносна вас атрымана інфармацыя, якая сведчыць пра вашу незаконную дзейнасць на тэрыторыі Польшчы».
Далей у тэксце ідуць спасылкі на артыкулы закона і гаворыцца, што дазвол на жыхарства можа быць ануляваны, калі замежнік уяўляе пагрозу для нацыянальнай бяспекі або грамадскага парадку.
Паведамляецца, што ў сувязі з тым, што знаходжанне атрымальніка ліста на тэрыторыі Польшчы ўяўляе пагрозу нацыянальнай бяспецы краіны, было прынята рашэнне ануляваць від на жыхарства. Ад атрымальніка патрабуецца добраахвотна пакінуць тэрыторыю Польшчы цягам 10 дзён.
«Невыкананне гэтага рашэння ў вызначаны тэрмін прывядзе да прымусовай высылкі ў Рэспубліку Беларусь», — гаворыцца ў лісце.
Для большай упэўненасці ў апошнім радку напісана, што гэтае паведамленне ёсць афіцыйным дакументам і ўступае ў сілу з моманту яго ўручэння.
Ліст нібыта падпісаны намеснікам начальніка Агенцтва ўнутранай бяспекі (ABW) А. Цішэўскім. (па-польску — А. Ciszewski). І як вынікае з інфармацыі на сайце Агенцтва, чалавек з такімі ініцыяламі сапраўды з'яўляецца намеснікам начальніка Агенцтва ўнутранай бяспекі.
Але на гэтым праўдападобнасць інфармацыі ў лістах заканчваецца.
У абодвух выпадках лісты маюць абсалютна аднолькавы змест і не ўтрымліваюць ніякіх асабістых звестак атрымальніка. Канверты былі адпраўленыя з тэрыторыі Германіі. У абодвух выпадках дата адпраўкі — 14 мая 2025 года.
Адпраўнік невядомы, на канвертах ёсць толькі даныя атрымальнікаў.
Адкуль у арганізатара рассылкі маглі быць даныя беларусаў? У абодвух выпадках атрымальнікі лістоў — гэта людзі, якія вядуць камерцыйную дзейнасць, таму іх даныя з указаннем адраса і грамадзянства можна адшукаць у адкрытым доступе.
Адметна, што адзін з атрымальнікаў ліста, якога нібыта пазбаўляюць ДНЖ, наогул не мае гэтага дакумента, бо ўжо атрымаў польскае грамадзянства.
Цяпер чытаюць
Беларус, які ваяваў за Украіну, распавёў, чым яго зачаравала каханка Іна Кардаш, агентка КДБ16
Беларус, які ваяваў за Украіну, распавёў, чым яго зачаравала каханка Іна Кардаш, агентка КДБ
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3030
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»30
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці66
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці6
Хочаце жыць доўга — шукайце раён з нармальнымі дрэвамі. Навукоўцы высветлілі, што дрэвы ратуюць ад інфарктаў, а газоны могуць нават нашкодзіць здароўю44
Каментары