Śviet55

Biełarusy ŭ Polščy atrymlivajuć dziŭnyja listy z patrabavańniem pakinuć krainu ciaham 10 dzion

«Našaj Nivie» stała viadoma jak minimum pra dva vypadki, kali biełarusy ŭ Polščy atrymali pa pošcie listy ź dziŭnym źmiestam. 

Varšava. Fota: Getty images

Adzin z atrymalnikaŭ lista žyvie ŭ Hdańsku, druhi — u Varšavie. Dziŭnyja listy biełarusy znajšli ŭ paštovych skrynkach u čaćvier i piatnicu adpaviedna.

U liście havorycca nastupnaje:

«Hienieralnaja prakuratura Polščy z pačatku 2025 hoda fiksuje rezki rost pahrozy złačynstvaŭ u krainie, źviazanych z udziełam hramadzian Biełarusi. Adnosna vas atrymana infarmacyja, jakaja śviedčyć pra vašu niezakonnuju dziejnaść na terytoryi Polščy».

List, jaki atrymaŭ adzin z čytačoŭ «Našaj Nivy»

Dalej u tekście iduć spasyłki na artykuły zakona i havorycca, što dazvoł na žycharstva moža być anulavany, kali zamiežnik ujaŭlaje pahrozu dla nacyjanalnaj biaśpieki abo hramadskaha paradku.

Paviedamlajecca, što ŭ suviazi z tym, što znachodžańnie atrymalnika lista na terytoryi Polščy ŭjaŭlaje pahrozu nacyjanalnaj biaśpiecy krainy, było pryniata rašeńnie anulavać vid na žycharstva. Ad atrymalnika patrabujecca dobraachvotna pakinuć terytoryju Polščy ciaham 10 dzion.

«Nievykanańnie hetaha rašeńnia ŭ vyznačany termin pryviadzie da prymusovaj vysyłki ŭ Respubliku Biełaruś», — havorycca ŭ liście.

Dla bolšaj upeŭnienaści ŭ apošnim radku napisana, što hetaje paviedamleńnie jość aficyjnym dakumientam i ŭstupaje ŭ siłu z momantu jaho ŭručeńnia.

List nibyta padpisany namieśnikam načalnika Ahienctva ŭnutranaj biaśpieki (ABW) A. Cišeŭskim. (pa-polsku — A. Ciszewski). I jak vynikaje ź infarmacyi na sajcie Ahienctva, čałaviek z takimi inicyjałami sapraŭdy źjaŭlajecca namieśnikam načalnika Ahienctva ŭnutranaj biaśpieki.

Skrynšot: abw.gov.pl

Ale na hetym praŭdapadobnaść infarmacyi ŭ listach zakančvajecca.

U abodvuch vypadkach listy majuć absalutna adnolkavy źmiest i nie ŭtrymlivajuć nijakich asabistych źviestak atrymalnika. Kanvierty byli adpraŭlenyja z terytoryi Hiermanii. U abodvuch vypadkach data adpraŭki — 14 maja 2025 hoda. 

Adpraŭnik nieviadomy, na kanviertach jość tolki danyja atrymalnikaŭ. 

Adkul u arhanizatara rassyłki mahli być danyja biełarusaŭ? U abodvuch vypadkach atrymalniki listoŭ — heta ludzi, jakija viaduć kamiercyjnuju dziejnaść, tamu ich danyja z ukazańniem adrasa i hramadzianstva možna adšukać u adkrytym dostupie. 

Na fota bačna, što ŭ abodvuch kanviertaŭ adna i taja data adpraŭki. Adroźnivajucca tolki apošnija ličby ŭ nižnim radku sprava ad qr-koda

Admietna, što adzin z atrymalnikaŭ lista, jakoha nibyta pazbaŭlajuć DNŽ, naohuł nie maje hetaha dakumienta, bo ŭžo atrymaŭ polskaje hramadzianstva. 

Kamientary5

  • čarhovaja dzieja Marlezonskaha baleta
    24.05.2025
    Kali biźniesy adrasataŭ naniesienyja na bajmapku, to hetyja listy - jašče adna prajava h.zv. "źliva" z "Novaj Biełarusi" i najezda na Libiera. Usio adno da adnaho składvajecca: dzivak z raskidanymi pa kvatery škarpetkami - videa z tymi, da kaho daciahnulisia (rełakanty ŭ Hruziju i nazad) - listy pradprymalnikam u Polšču. Uražvaje, kolki biudžetnych hrošaj ubuchana ŭ hetuju biazhłuździcu.
  • Tut davoli jasna
    24.05.2025
    Kałhasnyja i huhł-transłejtaŭskija frazački (nakštałt „złożenie skargi”) zamiest realnych polskich jurydyčnych zvarotaŭ vydatna pakazvaje, što za hetym tyrčać vušy Mahiloŭskaha vienikaviazalnaha bursitetu.
  • .
    24.05.2025
    Kali schavali kod ličbami, to łahična i zamazać Data Matrix kod, bo jon utrymlivaje toje ž samaje.

Ciapier čytajuć

U Minsku pierasabrali Rakaŭskaje pradmieście. Tam užo hulajuć, fatahrafujucca i jaduć6

U Minsku pierasabrali Rakaŭskaje pradmieście. Tam užo hulajuć, fatahrafujucca i jaduć

Usie naviny →
Usie naviny

Kanstancin Mieładze abviaściŭ pra zakryćcio prajekta «VIA HRA»3

Rasijskija IT-asacyjacyi prosiać Pucina abaranić «Lestu» ad nacyjanalizacyi

Kachanak Anžaliki Mielnikavaj — ahient biełaruskich śpiecsłužbaŭ z pašpartam prykryćcia90

Na miažy Biełarusi i Ukrainy prachodzić najbujniejšy abmien pałonnymi ŭ farmacie 1000ch10008

«My ŭsie ruskija». Deputat Dziaržaŭnaj dumy zajaviŭ, što meta vajny — stvaryć adzinuju dziaržavu Rasii, Biełarusi i Ukrainy25

Na pažary ŭ Kamianieckim rajonie zahinuli dvoje dziaciej

U Rasii mama paprasiła znajomaha ŭtapić svaju 12-hadovuju dačku, bo taja kiepska siabie pavodziła1

«My ŭsie hasudaravy ludzi». Karanik na raźvitańnie zajaviŭ pra svaju viernapaddanaść14

Schiemy, pa jakich dziejničaje HB. Vyjšła rasśledavańnie pra picierskich sieksotaŭ FSB

bolš čytanych navin
bolš łajkanych navin

U Minsku pierasabrali Rakaŭskaje pradmieście. Tam užo hulajuć, fatahrafujucca i jaduć6

U Minsku pierasabrali Rakaŭskaje pradmieście. Tam užo hulajuć, fatahrafujucca i jaduć

Hałoŭnaje
Usie naviny →

Zaŭvaha:

 

 

 

 

Zakryć Paviedamić