Расійскія антыдронавыя плашчы павінны былі схаваць салдат ад беспілотнікаў, але здарылася наадварот
З-за недасканалай тэхналогіі расійскія вайскоўцы сталі заўважнымі мішэнямі для ўкраінскіх дронаў.
Антыдронавыя плашчы павінны маскіраваць цяпло цела, каб салдат было складаней знайсці з дапамогай прыбораў начнога бачання і інфрачырвонай оптыкі. Аднак з-за недасканалай тэхналогіі і недастатковай падрыхтоўкі па іх выкарыстанні расійскія вайскоўцы становяцца мішэнню для беспілотнікаў, расказвае The Telegraph.
Замест таго, каб хаваць цяпло цела, расійскія плашчы ствараюць халодныя зоны на фоне больш цёплага прыроднага асяроддзя, робячы вайскоўцаў «чорнымі мішэнямі» для нанясення удараў.
Такія недасканалыя антыдронавыя плашчы, напрыклад, выкарыстоўвалі расійскія салдаты пад Ліманам.
Іншая расійская штурмавая група ўкрылася больш якаснымі цеплавымі коўдрамі, але не мела належнай падрыхтоўкі па іх эфектыўным выкарыстанні. Было відаць, як іх ногі, рукі ці галовы выглядалі з-пад коўдраў, якімі па правілах трэба закрываць усё цела.
У інтэрнэце можна знайсці інфармацыю, што расійскія тэрмакасцюмы прадаюцца за 47 даляраў.
Цяпер чытаюць
Бліжэйшым часам будуць вызвалены больш за 150 палітзняволеных6
Каментары
Я не против военной пропаганды против врага, но когда это принимает формы неакадемического бреда, когда иллюстрации опровергают тезис, рука тянется делать фейспалмы