Мядзведзеў расказаў, колькі расіян падпісалі вайсковыя кантракты, і моцна разышоўся з Пуціным
З пачатку 2025 года каля 175 тысяч расіян падпісалі кантракт з Міністэрствам абароны для ўдзелу ў вайне супраць Украіны. Пра гэта паведаміў намеснік кіраўніка Рады бяспекі Расіі Дзмітрый Мядзведзеў на спецыяльнай нарадзе. Яшчэ 14 тысяч чалавек нібыта далучыліся да добраахвотніцкіх падраздзяленняў.
Гэтыя лічбы значна адрозніваюцца ад тых, што раней назваў Уладзімір Пуцін. Нядаўна ён казаў, што штомесяц падпісваюць кантракты 50—60 тысяч добраахвотнікаў. Калі дапусціць, што такі набор ішоў з пачатку года, то на фронце павінна быць ужо 250—300 тысяч чалавек.
Гэта ўжо не першы раз, калі лічбы, названыя Пуціным і Мядзведзевым, не супадаюць, нагадвае The Moscow Times. Напрыклад, Пуцін казаў, што ў 2023 годзе кантракт падпісалі больш за 300 тысяч чалавек, а Мядзведзеў — пра 420 тысяч плюс яшчэ 80 тысяч добраахвотнікаў. Толькі ў 2024 годзе іх ацэнкі былі блізкія: каля 430—450 тысяч.
Былы выкладчык Іняза перайшоў на беларускую ў эміграцыі. Ён разважае пра лёс універсітэта, беларусаў за мяжой і адрозненне нас ад палякаў4
Каментары
>кантракт з Міністэрствам абароны для ўдзелу ў вайне
Але ж яны падпісалі кантракты для войска,
а вайна і войска - гэта ж як ікс і палец