Усяго патроху1414

Насцю Рыбку прымусілі выбачацца за ролік у інстаграме. Падпісчыц раззлавала яе відэа з Пуціным

Скандальна вядомая беларуска ў шоку: кажа, столькі хэйту не было за ўсю гісторыю існавання яе блога ў інстаграме. Там на Насцю Рыбку падпісана амаль 560 тысяч чалавек.

Скрыншот відэа ў інстаграме Насці Рыбкі

У сацыяльных сетках ураджэнка Бабруйска распавядае дзяўчатам, як знайсці сабе багатага хлопца (а то і некалькі адразу). Звычайна відэа Насці радуюць падпісчыц і злуюць мужчын. Але ў гэты раз на яе абрынулася хваля крытыкі з усіх бакоў.

У чым жа справа? Насця вырашыла растлумачыць, чаму рускія дзяўчаты такія патрабавальныя. І ў якасці прыклада мужчынскай галантнасці прывяла паводзіны Уладзіміра Пуціна (яго ўладальніца беларускага пашпарта называе «нашым прэзідэнтам»). У роліку сабраныя відэа з сустрэч Пуціна з рознымі жанчынамі-палітыкамі: як ён адкрывае бутэльку вады прэзідэнтцы Аргенціны Крысціне Кіршнер, дорыць букет канцлеру Германіі Ангеле Меркель і іншыя.

Абураных каментароў напісалі шмат. Насцю пачалі абвінавачваць у тым, што гэты ролік — платная рэклама. Шмат хто пісаў, што нельга прадстаўляць у якасці эталона мужчыны чалавека, па загадзе якога бамбяць школы ды бальніцы.

Сама Насця была ў шоку ад такой рэакцыі, бо лічыць што ніколі не абмяркоўвала ў блогу нічога, акрамя адносін паміж мужчынамі і жанчынамі. Тон каментатараў яе пакрыўдзіў: «Крытыку можна падаваць як паліто, а можна як ссаную анучу». А больш за ўсё Насцю ўразіў наступны каментарый: «Гітлер таксама быў галантны».

Спачатку Насця Рыбка сцвярджала, што прынцыпова не будзе выдаляць відэа, але ў выніку ўсё ж выдаліла і выбачылася за яго.

«Я ўбачыла такі рылс у інсце і мне гэта здалося кайфовым — палітык такога ўзроўню ставіцца да жанчын як сапраўдны мужчына. У апісанні таксама было напісана, што я мела на ўвазе. Выбачайце, калі хтосьці ўбачыў у гэтым платны кантэнт, спробу кагосьці зачапіць, у прынцыпе штосьці акрамя таго, што мужчына налівае жанчыне ваду, дорыць кветкі і падае паліто. Прашу прабачэння ва ўсіх, каго гэты рылс абразіў, гэта не было мэтай», — напісала яна ў сваім тэлеграм-канале.

Нагадаем: Насця Рыбка (сапраўднае імя Анастасія Вашукевіч) стала вядомай пасля сэкс-скандалу з расійскім алігархам Алегам Дзерыпаскам. Яе першая кніга распрадалася пасля расследавання Аляксея Навальнага.

Летась Рыбка выпусціла трэцюю кнігу, у якой распавяла, як простая дзяўчына з Бабруйска стала паляўнічай на мільярдэраў і пачала вучыць іншых станавіцца ўтрыманкамі.

Яна таксама прадае прысвечаны гэтаму курс «Сцервалогія». Сцвярджае, што аналагаў яе методыкі ў свеце няма, а вынікі фенаменальныя.

Каментары14

  • Ф
    09.06.2025
    Удакладненне, не, мужык, ты штосці блытаеш. Калі ты атрымліваеш грошы за сэкс, гэта не атрыманне грантаў, а прастытуцыя.
  • Бубубу
    09.06.2025
    Удакладненне, а ты не зайдзросці
  • Ваш кэп
    09.06.2025
    Притворилась дурочкой.
    Как будто тут восхищение галантностью, а не насаждение культа личности 73-летнего хрена и его оправдание.
 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Інжынера-канструктара з упраўлення «Пеленга», якое робіць тэхніку для расійскага войска, асудзілі па палітычных артыкулах1

Інжынера-канструктара з упраўлення «Пеленга», якое робіць тэхніку для расійскага войска, асудзілі па палітычных артыкулах

Усе навіны →
Усе навіны

Звычайны пачак беларускага масла пад ультрафіялетам паказаў схаваныя таямніцы11

Хто той беларус, які загаласіў на мітынгу, што Сяргей і Святлана Ціханоўскія — «ганьба і пагроза нацыянальнай бяспекі Літвы»30

Дэмакратычная Рэспубліка Конга і Руанда падпісалі ў кабінеце Трампа мірнае пагадненне4

«Радзівілава» мяжа ВКЛ з Лівоніяй значна супадае з сучаснай мяжой Беларусі9

Знікла жанчына, якая ехала з Беларусі ў Германію праз Варшаву

«Ускладняюць працэс рэгістрацыі». Для запісу на польскія візы з'явіліся новыя патрабаванні4

«Вельмі падобна на Беларусь». Як жывуць рэлаканты ў Балгарыі5

Ідэальны фінал. Паглядзелі трэці сезон «Гульні ў кальмара»

Былы вязень здзівіў Ціханоўскага — яны сядзелі ў суседніх камерах2

больш чытаных навін
больш лайканых навін

Інжынера-канструктара з упраўлення «Пеленга», якое робіць тэхніку для расійскага войска, асудзілі па палітычных артыкулах1

Інжынера-канструктара з упраўлення «Пеленга», якое робіць тэхніку для расійскага войска, асудзілі па палітычных артыкулах

Галоўнае
Усе навіны →

Заўвага:

 

 

 

 

Закрыць Паведаміць