Naściu Rybku prymusili vybačacca za rolik u instahramie. Padpisčyc razzłavała jaje videa z Pucinym
Skandalna viadomaja biełaruska ŭ šoku: kaža, stolki chejtu nie było za ŭsiu historyju isnavańnia jaje błoha ŭ instahramie. Tam na Naściu Rybku padpisana amal 560 tysiač čałaviek.
U sacyjalnych sietkach uradženka Babrujska raspaviadaje dziaŭčatam, jak znajści sabie bahataha chłopca (a to i niekalki adrazu). Zvyčajna videa Naści radujuć padpisčyc i złujuć mužčyn. Ale ŭ hety raz na jaje abrynułasia chvala krytyki z usich bakoŭ.
U čym ža sprava? Naścia vyrašyła rastłumačyć, čamu ruskija dziaŭčaty takija patrabavalnyja. I ŭ jakaści prykłada mužčynskaj hałantnaści pryviała pavodziny Uładzimira Pucina (jaho ŭładalnica biełaruskaha pašparta nazyvaje «našym prezidentam»). U roliku sabranyja videa z sustreč Pucina z roznymi žančynami-palitykami: jak jon adkryvaje butelku vady prezidentcy Arhienciny Kryścinie Kiršnier, doryć bukiet kancleru Hiermanii Anhiele Mierkiel i inšyja.
Aburanych kamientaroŭ napisali šmat. Naściu pačali abvinavačvać u tym, što hety rolik — płatnaja rekłama. Šmat chto pisaŭ, što nielha pradstaŭlać u jakaści etałona mužčyny čałavieka, pa zahadzie jakoha bambiać škoły dy balnicy.
Sama Naścia była ŭ šoku ad takoj reakcyi, bo ličyć što nikoli nie abmiarkoŭvała ŭ błohu ničoha, akramia adnosin pamiž mužčynami i žančynami. Ton kamientataraŭ jaje pakryŭdziŭ: «Krytyku možna padavać jak palito, a možna jak ssanuju anuču». A bolš za ŭsio Naściu ŭraziŭ nastupny kamientaryj: «Hitler taksama byŭ hałantny».
Spačatku Naścia Rybka śćviardžała, što pryncypova nie budzie vydalać videa, ale ŭ vyniku ŭsio ž vydaliła i vybačyłasia za jaho.
«Ja ŭbačyła taki ryłs u inście i mnie heta zdałosia kajfovym — palityk takoha ŭzroŭniu stavicca da žančyn jak sapraŭdny mužčyna. U apisańni taksama było napisana, što ja mieła na ŭvazie. Vybačajcie, kali chtości ŭbačyŭ u hetym płatny kantent, sprobu kahości začapić, u pryncypie štości akramia taho, što mužčyna nalivaje žančynie vadu, doryć kvietki i padaje palito. Prašu prabačeńnia va ŭsich, kaho hety ryłs abraziŭ, heta nie było metaj», — napisała jana ŭ svaim telehram-kanale.
Nahadajem: Naścia Rybka (sapraŭdnaje imia Anastasija Vašukievič) stała viadomaj paśla seks-skandału z rasijskim aliharcham Aleham Dzierypaskam. Jaje pieršaja kniha raspradałasia paśla rasśledavańnia Alaksieja Navalnaha.
Letaś Rybka vypuściła treciuju knihu, u jakoj raspaviała, jak prostaja dziaŭčyna z Babrujska stała palaŭničaj na miljarderaŭ i pačała vučyć inšych stanavicca ŭtrymankami.
Jana taksama pradaje pryśviečany hetamu kurs «Ściervałohija». Śćviardžaje, što anałahaŭ jaje mietodyki ŭ śviecie niama, a vyniki fienamienalnyja.
«Ledź nie pabiłasia z babkaj u paliklinicy praz tałončyk». Naścia Rybka pryjechała ŭ rodny Babrujsk
«Pierad tym, jak źniać trusy — dumaj, što skaža pra ciabie tvoj budučy były»: Naścia Rybka napisała aŭtabijahrafičnuju knihu
Pamočnikam rasijskaha premjera staŭ čynoŭnik, jaki adpačyvaŭ razam z Naściaj Rybkaj
«Dzieci rastuć z adčuvańniem, što być biełarusam pačesna, jak vypusknikom Harvarda». U Batumi dziejničaje biełaruskamoŭnaja škoła — voś jak heta pracuje88
Kamientary
Kak budto tut voschiŝienije hałantnosťju, a nie nasaždienije kulta ličnosti 73-letnieho chriena i jeho opravdanije.