Памёр кліпмейкер, сцэнарыст і кінарэжысёр Андрэй Грынько, паведамляе тэлеграм-канал «Свяшчэнны Белавуд». Яму было ўсяго 36 гадоў.
Андрэй Грынько скончыў Акадэмію мастацтваў па спецыяльнасці «кінарэжысура» і паспеў зняць тры ігравыя стужкі: кароткаметражны фільм «У чоўне», а таксама хорар «Вупыры» (сумесна з Максам Сірым) і меладраму «Гэта я, Мінск» (сумесна з Дзмітрыем Дзядком). Апошні фільм быў зняты на «Беларусьфільме», але не быў паказаны і пакладзены на паліцу праз цэнзуру.
Зарабляў Андрэй здымкамі відэарэкламы, кліпаў, ютуб-праектаў. Адна з апошніх яго работ — праект Blockchain Sports Drift, здымкі дрыфт-гонак па Беларусі, пад што ў Мінск ў мінулым годзе прыязджаў нямецкі актор Тыль Швайгер.
Прычыны смерці Андрэя не вядомыя. Мужчыну раптоўна стала блага, пасля чаго яго адвезлі ў бальніцу, дзе ён памёр учора, 11 чэрвеня.
Пратасевіч зноў жэніцца — цяпер з таролагам Настассяй, якая працавала ў элітным медцэнтры «Мерсі»40
Каментары