Pamior klipmiejkier, scenaryst i kinarežysior Andrej Hryńko, paviedamlaje telehram-kanał «Śviaščenny Biełavud». Jamu było ŭsiaho 36 hadoŭ.
Andrej Hryńko skončyŭ Akademiju mastactvaŭ pa śpiecyjalnaści «kinarežysura» i paśpieŭ źniać try ihravyja stužki: karotkamietražny film «U čoŭnie», a taksama chorar «Vupyry» (sumiesna z Maksam Sirym) i mieładramu «Heta ja, Minsk» (sumiesna ź Dźmitryjem Dziadkom). Apošni film byŭ źniaty na «Biełaruśfilmie», ale nie byŭ pakazany i pakładzieny na palicu praz cenzuru.
Zarablaŭ Andrej zdymkami videarekłamy, klipaŭ, jutub-prajektaŭ. Adna z apošnich jaho rabot — prajekt Blockchain Sports Drift, zdymki dryft-honak pa Biełarusi, pad što ŭ Minsk ŭ minułym hodzie pryjazdžaŭ niamiecki aktor Tyl Švajhier.
Pryčyny śmierci Andreja nie viadomyja. Mužčynu raptoŭna stała błaha, paśla čaho jaho advieźli ŭ balnicu, dzie jon pamior učora, 11 červienia.
Kamientary