Блогер Коршун: Сваякі палітвязняў пытаюцца, як так атрымалася, што Ціханоўскі выйшаў, а іх дзеці і мужы працягваюць сядзець
Былы палітвязень запэўнівае, што гэтае пытанне «ведае з першых вуснаў».
Былы палітвязень Сяргей Коршун, які цяпер стаў блогерам, працягвае рэфлексаваць з нагоды вызвалення Сяргея Ціханоўскага.
Раней ён крытыкаваў Ціханоўскага за слёзы на прэс-канферэнцыі і раіў таму «ўзяць сябе ў рукі», цяпер жа ў чарговым выпуску навінаў на сваім ютуб-канале «Не беглы» паразважаў наконт таго, чаму ўвогуле Ціханоўскі апынуўся на волі. Сваю думку Коршун агучыў, спаслаўшыся на меркаванне «сваякоў палітвязняў»:
«Пра гэта не напішуць офісныя СМІ, бо наўрад ці ім цікавая думка сваякоў тысяч простых непублічных палітвязняў, якія працягваюць сядзець, сядзець без зразумелай перспектывы датэрміновага вызвалення. Вы ведаеце, якое пытанне яны задаюць сабе і адно аднаму?
Як так атрымалася, што адзін з лідараў пратэсту 2020 года выйшаў на волю, а нашы дзеці, мужы, жонкі, мамы, таты працягваюць сядзець?
І на гэтае пытанне ім ніхто не адкажа.
Каб адразу крыху збіць хвалю хейту — гэтыя пытанні ад сваякоў палітвязняў я ведаю з першых вуснаў. Для мяне гэта вельмі блізкая і балючая тэма, таму я абавязаны яе агучыць.
Гэта не значыць, што Сяргей Ціханоўскі вінаваты ў тым, што яго выпусцілі, а іншых — не».
Коршун не ўдакладніў, хто ж, на яго думку, «вінаваты» ў вызваленні Ціханоўскага.
Напрыканцы блогер выказаў пажаданне, каб Ціханоўскі «без офісных дарадцаў» разабраўся ў тым, што адбывалася апошнія пяць гадоў.
Сяргею Коршуну 47 гадоў. Ён служыў у міліцыі, быў звольнены з органаў у 2010-м. У 2020-м далучыўся да руху за перамены, быў аўтарам тэлеграм-канала «Армія з народам». Быў арыштаваны ў ліпені 2020 і прысуджаны да 4,5 года зняволення. Цалкам адбыў пакаранне, у ліпені 2024 года выйшаў на свабоду і неўзабаве з'ехаў з Беларусі.
Расчараваўшыся ў тым, што адбываецца ў эміграцыйнай палітыцы, Коршун разам з блогерам Сяргеем Пятрухіным сканцэнтраваўся на знішчальнай крытыцы Офіса Святланы Ціханоўскай і іншых дэмакратычных сіл.
-
У Маскве мужчыны масава спрабуюць знаёміцца, мацаючы дзяўчат за ягадзіцы. Так загадаў рабіць сэкс-коўч з Беларусі
-
З 1 верасня беларусам, што едуць у Латвію, трэба будзе зарэгістравацца на спецыяльным партале і запоўніць анкету
-
Спецслужбы пад выглядам «друку сімволікі і сцягоў» спрабуюць падбіць беларусаў замежжа перадаць свае асабістыя звесткі
Цяпер чытаюць
У Маскве мужчыны масава спрабуюць знаёміцца, мацаючы дзяўчат за ягадзіцы. Так загадаў рабіць сэкс-коўч з Беларусі8
Каментары
Калі яны ні на што не ўплывалі, хай так і скажуць выйдуць.