Што вядома пра сетку кол-цэнтраў, якія ўцюхвалі беларускім пенсіянерам біядабаўкі
У чэрвені Следчы камітэт паведаміў пра затрыманне 56 супрацоўнікаў кол-цэнтраў, якія падманам прадавалі БАДы. Цяпер у эфіры АНТ расказалі, хто за гэтым стаяў.
Затрыманні былі ў кол-цэнтрах у Мінску, Баранавічах, Бабруйску і Барысаве.
Афіцыйна прэпараты з Алтая, якія там прадавалі, праходзілі як харчовая прадукцыя ці біялагічная дабаўка. У некаторых прэпаратах знаходзіліся лекавыя сродкі і расліны, якія забаронены ў біядабаўках. А ў некаторых травы замянілі звычайным крухмалам.
Людзі вяліся на рэкламу на сайтах і ў брашурах. Адна пенсіянерка расказвае, што паверыла ў фэйкавую рэкламу, дзе была Роза Сабітава, вядучая расійскага тэлешоу «Давай пажэнімся».
Пры затрыманні супрацоўнікаў кол-цэнтраў на іх сталах знайшлі шпаргалкі на розныя пытанні і скаргі пакупнікоў — напрыклад, калі кажуць, што дорага.
Арганізатарам сеткі быў грамадзянін Расіі. Раней ён быў судзімы ў Расіі за наркотыкі. Меркавана, гэта той жа мужчына, які 11 гадоў таму ўжо прадаваў у Беларусі лекі-пустышкі пад маркай «Алтайскі знахар».
Следчы камітэт паведамляў, што сетку ашуканскіх кол-цэнтраў запусцілі яшчэ ў 2021 годзе. Шасці найбольш актыўным удзельнікам злачыннай схемы выставілі абвінавачванне па ч. 4 арт. 209 (махлярства, здзейсненае арганізаванай групай) Крымінальнага кодэкса Рэспублікі Беларусь. Іх узялі пад варту. Астатнія прызнаныя падазраванымі.
-
Антаніна Канавалава расказала, як яе прымушалі падпісаць прашэнне пра памілаванне
-
«Я першамайскае быдла і ліміта, базару нуль. Але блізкі да цэнтра прыняцця рашэнняў». Што Тур піша пад псеўданімам у «экстрэмісцкім» чаце
-
«Хапай яе за азадак, зацягні ў туалет». У Варшаве заявілі ў пракуратуру на пікап-трэнера з Беларусі Алекса Леслі
Цяпер чытаюць
«Я першамайскае быдла і ліміта, базару нуль. Але блізкі да цэнтра прыняцця рашэнняў». Што Тур піша пад псеўданімам у «экстрэмісцкім» чаце13
Каментары