Паліцыя горада Эльбланг, што на поўначы Польшчы, выдала абвестку пра пошук грамадзяніна Беларусі Уладзіслава Маслоўскага, паведамляе «Белсат».
Вядома, што яшчэ 30 чэрвеня ён выйшаў з дому ў мястэчку Талькміцка на вуліцы Надрэчнай, кіруючыся на працу ў суседні горад Бранева. Ён павінен быў вярнуцца а 16-й гадзіне, але не прыйшоў дамоў і не выходзіў на кантакт з роднымі.
Зніклага апісваюць так:
- рост: 188 см;
- целасклад: дужы, мускулісты;
- скура: светлая;
- валасы: кароткія, простыя, светла-русыя;
- у дзень знікнення быў апрануты ў чорна-чырвоную куртку, цёмную майку з кароткім рукавом, чырвоныя спартовыя штаны, чорныя спартовыя боты.
Паліцыя апублікавала толькі адно фота ў нізкай якасці. «Белсату» не ўдалося знайсці гэтага чалавека ў сацсетках пошукам па імені і асобным рэверсіўным пошукам па фота.
Паліцыя просіць усіх, хто валодае любой інфармацыяй, якая можа дапамагчы ў выяўленні месца знаходжання зніклага, тэрмінова звязацца па нумарах экстраннай службы 997 або 112 ці з найбліжэйшым аддзяленнем паліцыі. Таксама пра зніклага можна паведаміць на пошту [email protected].
За паўгода колькасць беларусаў, якія атрымалі міжнародную абарону ў Польшчы, павялічылася на тысячу
Беларуса, які напаў на Паўла Латушку, ужо дэпартавалі з Польшчы ў Беларусь
Польская пракуратура пацвярджае, што напад на расійскага апазіцыянера Волкава рабіўся «пад уплывам» Леаніда Неўзліна
Сын супрацоўніка беларускага КДБ вербаваў у Польшчы людзей для нападу на расійскіх апазіцыянераў
Цяпер чытаюць
«Калі мне прыляціць, я гатовая». Наста Рагатко — пра сэкс-сцэну ў сваёй кнізе, прарасійскіх сваякоў, Гаюн і Матольку32
Каментары
калі на тое пайшло, то тады пішыце Эльблаг!
Бо польскае" ą " вымаўляецца як "ОН", а не А! --- [ˈɛlblɔŋk]