Як дроны залятаюць з Беларусі ў Літву? У iSANS расказалі, што вядома
Сёння раніцай яшчэ адзін дрон заляцеў на тэрыторыю Літвы з боку Беларусі. У ініцыятыве iSANS пракаментавалі, што вядома пра гэты беспілотнік.
Дрон сёння быў бачны над Вільняй каля 5-й раніцы. Яго заснялі відавочцы.
«Паводле нашых звестак, сёння раніцай (28 ліпеня) палёты самалётаў і верталётаў ВПС і СПА Беларусі зафіксаваныя не былі. Таму можна выказаць гіпотэзу, што, магчыма, падраздзяленні радыётэхнічных войскаў ВПС і СПА Беларусі не зафіксавалі палёт дрона ў паветранай прасторы Беларусі, — каментуюць у iSANS. —
Паводле звестак украінскіх маніторынгавых каналаў, сёння ўначы адзін з расійскіх дронаў заляцеў з тэрыторыі Украіны ў Брэсцкую вобласць. Магчыма, менавіта гэты дрон у выніку і дасягнуў тэрыторыі Літвы. Варта адзначыць, што Брэсцкая і большая частка Гродзенскай вобласці ўваходзяць у зону адказнасці 8-й радыётэхнічнай брыгады (в/ч 29969)».
Літоўскія вайскоўцы лічаць, што найхутчэй дрон быў дэзарыентаваны ўкраінскай СПА.
Але як беспілотнік мог бесперашкодна праляцець такую вялікую адлегласць?
«Сімвалічна, што з 23 па 25 ліпеня ў 8-й радыётэхнічнай брыгадзе праходзілі брыгадныя тактычныя вучэнні. Разлікі радыёлакацыйных станцый адпрацоўвалі задачы па выяўленні паветраных цэляў умоўнага праціўніка, а таксама адпрацоўвалі своечасовую перадачу даных падраздзяленням зенітных ракетных войскаў і авіяцыі. Сярод іншага, асаблівая ўвага надавалася барацьбе з беспілотнікамі
Аднак, відаць, у рэальнай сітуацыі з задачай выяўлення сапраўднага дрона вайскоўцы брыгады не справіліся», — падсумоўваюць эксперты.
У iSANS нагадваюць, што і раней, увосень 2024 года, расійскія дроны заляталі ўглыб тэрыторыі Беларусі на больш як 200 кіламетраў, у тым ліку ў заходнія рэгіёны краіны.
«Наша Нiва» — бастыён беларушчыны
ПАДТРЫМАЦЬЦяпер чытаюць
«Губазікаўцы схіляюць Калеснікаву да высылкі, але яна не хоча»1
Каментары
лукашенко построил проходной, скотный двор на месте Беларуси и гордится этим.
Красауцам скотного двора намного проще воевать с женщинами, старикаи, инвалидами, подростками, врачами, учителями, чем с беспилотниками.
Раз управделами скотного двора сказал, что беспилотников нет и все перехватываются, значит так и есть - аминь....