Каля 100 чалавек, у тым ліку беларусы, не могуць вылецець у Мінск з Эміратаў
Каля 100 чалавек, у ліку якіх ёсць беларускія грамадзяне, не змаглі вылецець 17 красавіка з аэрапорта Абу-Дабі ў Мінск з-за вулканічнага воблака, якое накрыла тэрыторыю Беларусі.
Як паведаміў адзін з пасажыраў, рэйс адкладзены на няпэўны час.
Сярод пасажыраў — прыкладна пяцёра беларускіх дзяцей, удзельнікаў Міжнароднай канферэнцыі маладых вучоных, якая праходзіла на Балі.
Паводле слоў крыніцы, пасажыры адкладзенага рэйса забяспечаныя гарачым харчаваннем, часова размешчаныя ў VIP-зале, вырашаецца пытанне аб браніраванні для іх месцаў у гасцініцы. Асноўная праблема — у часовых візах, дзеянне якіх заканчваецца.
У пасольстве Беларусі ў Аб'яднаных Арабскіх Эміратах сітуацыю каментаваць адмовіліся.
У Нацыянальным аэрапорце «Мінск» БелаПАН паведамілі, што самалёт з Абу-Дабі па графіку павінен прыляцець у 13.50.
Намеснік начальніка аддзела аэрапортаў, наземных сродкаў і аэранавігацыі дэпартамента па авіяцыі Міністэрства транспарту і камунікацый Беларусі Аляксандр Акуленка пацвердзіў, што рэйс з Абу-Дабі адкладзены. Паводле яго слоў, з 00 гадзін 17 красавіка Нацыянальны аэрапорт «Мінск» прымае толькі асобныя рэйсы ўсходняга напрамку.
-
У Маскве мужчыны масава спрабуюць знаёміцца, мацаючы дзяўчат за ягадзіцы. Так загадаў рабіць сэкс-коўч з Беларусі
-
З 1 верасня беларусам, што едуць у Латвію, трэба будзе зарэгістравацца на спецыяльным партале і запоўніць анкету
-
Спецслужбы пад выглядам «друку сімволікі і сцягоў» спрабуюць падбіць беларусаў замежжа перадаць свае асабістыя звесткі
У Маскве мужчыны масава спрабуюць знаёміцца, мацаючы дзяўчат за ягадзіцы. Так загадаў рабіць сэкс-коўч з Беларусі8
Каментары