У Расіі выкладчыка бізнэс-школы прысудзілі да 16 гадоў па справе аб тэрарыстычным акце з-за атакі дронаў у Курску
Мужчыну каля дзвюх гадзін білі токам, пакуль ён не падпісаў «прызнанне ў выкананні заданняў украінскіх спецслужбаў».
2-га Заходні акруговы вайсковы суд Яўген Зубаў прысудзіў 52-гадовага выкладчыка бізнэс-школы RMA і былога калумніста выдання «Вот так» Эльдара Марчанку да 16 гадоў калоніі строгага рэжыму па справе аб здзейсненым групай асоб тэрарыстычным акце, што пацягнуў значную шкоду (пункты «а», «в» часткі 2 артыкула 205 КК), паведамляе «Медыязона».
Першыя пяць гадоў тэрміну Марчанка правядзе ў турме і толькі потым будзе пераведзены ў калонію строгага рэжыму.
Пракуратура прасіла прысудзіць яго да 19 гадоў строгага рэжыму — амаль максімальнага тэрміну па гэтым артыкуле.
Марчанку прызналі вінаватым у тым, што ён, па заданні ўкраінскіх спецслужбаў, прыехаў з Масквы ў Курск і «з дапамогай смартфона» перадаў куратарам каардынаты мясцовага аэрапорта. У выніку з тэрыторыі Украіны на Курск было накіравана не менш за два БПЛА, якія «не дасягнулі сваёй мэты».
Марчанка віну не прызнаў.
Эльдара Марчанку ўпершыню затрымалі 1 жніўня 2024 года. У яго доме ў Падмаскоўі прайшлі ператрусы, пасля якіх яго адвезлі ў ФСБ. Мужчыну каля дзвюх гадзін білі токам, пакуль ён не падпісаў «прызнанне ў выкананні заданняў украінскіх спецслужбаў».
У спрэчках бакоў пракурор Надзея Ціханава казала, што Марчанка прызнаў віну яшчэ да таго, як яго пасадзілі ў службовую машыну: «Падстаў прымяняць там да яго нейкі гвалт не было, яго і не прымянялі».
Пасля ператрусу Марчанку тройчы адпраўлялі пад адміністрацыйны арышт. Пасля трэцяга арышту яго затрымалі на выхадзе са спецпрыёмніка і на наступны дзень у закрытым судовым пасяджэнні арыштавалі ўжо па крымінальнай справе.
Цяпер чытаюць
Ананімы — гісторыі беларусаў, якім прыходзіцца шыфравацца, бо рэжым лічыць іх дзейнасць «крыміналам»6
Каментары
Безнадзейная тупасць, нават не саромеюцца таго.