U Rasii vykładčyka biznes-škoły prysudzili da 16 hadoŭ pa spravie ab terarystyčnym akcie z-za ataki dronaŭ u Kursku
Mužčynu kala dźviuch hadzin bili tokam, pakul jon nie padpisaŭ «pryznańnie ŭ vykanańni zadańniaŭ ukrainskich śpiecsłužbaŭ».
2-ha Zachodni akruhovy vajskovy sud Jaŭhien Zubaŭ prysudziŭ 52-hadovaha vykładčyka biznes-škoły RMA i byłoha kałumnista vydańnia «Vot tak» Eldara Marčanku da 16 hadoŭ kałonii strohaha režymu pa spravie ab ździejśnienym hrupaj asob terarystyčnym akcie, što paciahnuŭ značnuju škodu (punkty «a», «v» častki 2 artykuła 205 KK), paviedamlaje «Miedyjazona».
Pieršyja piać hadoŭ terminu Marčanka praviadzie ŭ turmie i tolki potym budzie pieraviedzieny ŭ kałoniju strohaha režymu.
Prakuratura prasiła prysudzić jaho da 19 hadoŭ strohaha režymu — amal maksimalnaha terminu pa hetym artykule.
Marčanku pryznali vinavatym u tym, što jon, pa zadańni ŭkrainskich śpiecsłužbaŭ, pryjechaŭ z Maskvy ŭ Kursk i «z dapamohaj smartfona» pieradaŭ kurataram kaardynaty miascovaha aeraporta. U vyniku z terytoryi Ukrainy na Kursk było nakiravana nie mienš za dva BPŁA, jakija «nie dasiahnuli svajoj mety».
Marčanka vinu nie pryznaŭ.
Eldara Marčanku ŭpieršyniu zatrymali 1 žniŭnia 2024 hoda. U jaho domie ŭ Padmaskoŭi prajšli pieratrusy, paśla jakich jaho advieźli ŭ FSB. Mužčynu kala dźviuch hadzin bili tokam, pakul jon nie padpisaŭ «pryznańnie ŭ vykanańni zadańniaŭ ukrainskich śpiecsłužbaŭ».
U sprečkach bakoŭ prakuror Nadzieja Cichanava kazała, što Marčanka pryznaŭ vinu jašče da taho, jak jaho pasadzili ŭ słužbovuju mašynu: «Padstaŭ prymianiać tam da jaho niejki hvałt nie było, jaho i nie prymianiali».
Paśla pieratrusu Marčanku trojčy adpraŭlali pad administracyjny aryšt. Paśla treciaha aryštu jaho zatrymali na vychadzie sa śpiecpryjomnika i na nastupny dzień u zakrytym sudovym pasiadžeńni aryštavali ŭžo pa kryminalnaj spravie.
Ciapier čytajuć
Biełarus raptoŭna i biez daj pryčyny źnik u 2006 hodzie, a praz 19 hadoŭ znajšoŭsia ŭ vioscy pad Smalenskam2
Kamientary
Bieznadziejnaja tupaść, navat nie saromiejucca taho.