Нязвыклую карціну сталі назіраць жыхары Жлобіна: з комінаў Беларускага металургічнага завода перастаў пастаянна ісці дым, як гэта было раней. Цяпер завод дыміць толькі час ад часу. Гэта азначае, што печы перыядычна выключаюць, піша «Флагшток».
Відэа з непрацуючым заводам падзяліліся чытачы з рэсурсам «Свободный Жлобин».
Тлумачэнне ж прычыны адсутнасці дыму «Флагшток» знайшоў у каментарах у сацсетках:
«Цяпер дымоў няма, таму што печкі па чарзе працуюць. Няма той загрузкі працы як гэта было раней. Вось і дыму не відаць»;
«Дым ёсць толькі падчас загрузкі»;
«Завод змену працуе, тры стаіць».
Карыстальнікі таксама адзначылі, што дым бачны па вечарах, часам — раніцай. У астатні час вытворчасць прастойвае.
Ніякай афіцыйнай інфармацыі пра гэта няма. У канцы ліпеня на БМЗ сцвярджалі, што па выніках першага паўгоддзя завод спрацаваў з прыбыткам. Пра гэта заяўляў намеснік генеральнага дырэктара Сяргей Цярлецкі на сустрэчы з калектывам аднаго з падраздзяленняў прадпрыемства.
Паводле яго Цярлецкага, «па выніках паўгоддзя завод захаваў баланс, паказаўшы прыбытковую працу, мы працягваем ісці наперад». Таксама ён адзначыў, што «задача — захоўваць устойлівасць пры любой турбулентнасці і заставацца канкурэнтаздольнымі».
Як не раз паведамлялася, праблемная сітуацыя склалася на заводзе праз падзенне вытворчасці. Увесну работнікаў некаторых цэхаў сталі адпраўляць у адпачынкі за свой кошт, а ў жніўні зрушылі тэрміны выдачы заробкаў.
Каментары
- У Ватыкане, калі з трубы ідзе дым - значыць, будзе новы папа. А ў Беларусі, калі будзеце новы папа, тады з трубаў заводаў пойдзе дым. :D
Очень неплохо бы было, если бы Наша Нива, а также Флагшток разузнали про мазут, сколько его сейчас тайком от населения сжигается на ТЭЦ и ТЭС. Мазут топливо очень дешевое, еще дешевле чем природный газ (для получения киловатт часа), а на фильтрах в Беларуси любят экономить.