Беларус з пазыўным «Месяц», які ваяваў у складзе Узброеных сіл Украіны, загінуў 19 жніўня. Пра гэта паведамляе валанцёрская сетка «Колективи Солідарності», заўважыла выданне Reform.news.
«З глыбокім шкадаваннем і смуткам паведамляем: загінуў пабрацім нашых таварышаў, з групы, якая знаходзілася пад нашай падтрымкай, — з пазыўным «Месяц». У Беларусі ён быў актыўным удзельнікам пратэстаў супраць дыктатуры, неаднаразова падвяргаўся рэпрэсіям за сваю пазіцыю», — паведамляюць валанцёры.
Паводле іх інфармацыі, грамадзянін Беларусі ваяваў у складзе УСУ з 2023 года. Спачатку — як баявы медык, ратуючы жыцці пад Бахмутам, затым служыў у роце агнявой падтрымкі, пазней — у сапёрным падраздзяленні. З 2024 года ён служыў у мінамётным падраздзяленні — менавіта там і загінуў.
«У мінамётцы ён займаўся разлікамі і вельмі нам дапамагаў, — успамінае яго пабрацім. — Яго амаль немагчыма замяніць. Ён навучаў людзей сапёрнай справе, медыцыне, заўсёды правяраў аптэчкі і лекі. На ім трымалася многае важнае — ад аналізу стральбы да складаных разлікаў. Часта менавіта ён знаходзіў прычыны, чаму стральба «не ідзе» — ці з-за паломкі мінамёта, ці з-за недахопу мін».
«Ведаеце, як каментуе ваша затрыманне апазіцыя? «Арыштаваны памагаты рэжыму». Турэмная споведзь лідара прафсаюзаў Ярашука2
Каментары
Дааа.. Это специалист высочайшего уровня, уникальной компетенцией владел.
Земля пухом.