У Крупках просты будаўнік на абедзе пранізліва сыграў на піяніна і сабраў мільён праглядаў ВІДЭА
Рабочы выканаў легендарны саўндтрэк на сапсаваным інструменце і заваяваў TikTok.
У Крупках будаўнік у перапынку сыграў на піяніна і скарыў тыкток. Мужчына выканаў легендарную мелодыю Эніа Марыконе з культавага фільма «Прафесіянал» проста ў памяшканні, дзе рабіў рамонт.
Відавочна, мужчына вучыўся граць на інструменце. Яму зусім не перашкодзіла тое, што піяніна было не настроена. Атрымаўся настолькі кранальны ролік, што ён набраў мільён праглядаў.
«Во такія ў нас будаўнікі ў Крупках ёсць», — пракаментаваў невялікі канцэрт калега піяніста.
Гледачы засталіся ў поўным захапленні. Каментатары, колькасць якіх перавысіла тры тысячы, адзначаюць тонкае пачуццё музыкі ў будаўніка. І скардзяцца, што такія людзі не прарываюцца на сцэну. Вось толькі некалькі водгукаў:
«Рэаліі жыцця. Яму не на будоўлі працаваць трэба, а ў музычнай школе. Але што зрабіць, калі там не плацяць».
«Гэта не проста тэхніка. У чалавека прыгожая душа, таму так арганічна гучыць».
«Архітэктура — гэта музыка, застыглая ў камені! Будаўнік, які не ведае музыкі, толькі Мінск-Свет пабудаваць зможа…»
«Гэтыя рукі не павінны рабіць грубую працу. Гэтыя пальцы трэба берагчы, як дарагую каштоўнасць».
«Шкада, што таленавітыя хлопцы застаюцца незаўважанымі і без годнай працы! Поспехаў табе, маэстра!»
«Слоў няма. Шкада, што чалавеку, які ўклаў столькі сіл і часу ў навучанне, даводзіцца працаваць на будоўлі. Будаўнікі таксама важныя і хлеб у іх не лёгкі. Але вельмі шкада…»
«Я была сведкай, як настаўнік у музычнай школе гаварыў хлопчыку: «Вучыся, калі не хочаш працаваць на будоўлі. Атрымліваецца, хлопчык вучыўся ў музычнай школе, а працуе на будоўлі».
Цяпер чытаюць
«На 15 хвілін выключылі святло — божа мой, з Украінай параўналі». Лукашэнка патлумачыў, колькі эканоміць на вулічным асвятленні22
Каментары