Памёр расійскі прапагандыст Тыгран Кеасаян. Дзевяць месяцаў ён праляжаў у коме
Пра гэта паведаміла яго жонка, галоўны рэдактар Russia Today Маргарыта Сіманьян.
Кінарэжысёр і прапагандыст дзевяць месяцаў правёў у коме.
Тыграну Кеасаяну было 59 гадоў. З 2016 года ён вёў на тэлеканале НТВ вячэрняе забаўляльнае сатырычнае шоу «Міжнародная піларама», праз якое праводзіў усе асноўныя расійскія прапагандысцкія наратывы.
Як у праграмах Кеасаяна жартавалі пра пратэсты ў Беларусі? Вось класічная сцэнка:
- — Чаго вам не хапае?
- — Грошай.
- — А кім вы працуеце?
- — А я не працую.
- — Дык што вас не задавальняе?
- — Шчыра? Цыцкі маленькія.
28 лютага 2022 года, пасля ўварвання Расіі ва Украіну, Тыгран Кеасаян быў уключаны ў санкцыйныя спісы Еўрапейскага саюза за падтрымку палітыкі, якая падрывае тэрытарыяльную цэласнасць Украіны і пагражае яе незалежнасці і суверэнітэту. Паводле аргументацыі, у сваёй праграме Кеасаян «паслядоўна адлюстроўваў Украіну як слабую і карумпаваную краіну, якая трымалася толькі дзякуючы дапамозе Захаду… Ён меркаваў, што ўкраінскія ўлады нелегітымныя. Ён неаднаразова сцвярджаў, што Крым належыць Расіі і што Данбас не частка Украіны».
Пасля таго Тыграна Кеасаяна ўносілі ў санкцыйныя спісы многіх краін, у тым ліку і за падтрымку поўнамаштабнай вайны ва Украіне.
З Маргарытай Сіманьян Кеасаян афіцыйна пабраўся шлюбам у 2022 годзе, але фактычна яны жылі разам з 2012-га, маючы трох агульных дзяцей.
Вядома, што раней Кеасаян перанёс два інфаркты. Адбылося гэта ў 2008 і 2010 гадах.
Нядаўна Маргарыта Сіманьян паведаміла, што ў яе рак.
Цяпер чытаюць
Мастакоў Рымашэўскага і Шчамялёву пратрымалі амаль год у СІЗА, але далі такі тэрмін, каб у судзе адпусціць дадому2
Каментары
Гэта была сям'я спрытных і асбсалютна беспрынцыповых прапагандыстаў, якія выдатна і вельмі дорага прадалі сябе пуцінскаму рэжыму, бо ня мелі ані кроплі сумлення. Таму Цігранчык ужо на шляху ў пекла, а Маргоша рыхтуецца неўзабаве да яго далучцца.