Палёт з Мінска ў Егіпет цяпер будзе карацейшы амаль на цэлую гадзіну. Але ляцець будуць бліжэй да лініі фронту
Час палёту з Мінска ў Егіпет скарочаны для ўсіх рэйсаў авіякампаніі «Белавія» з 1 кастрычніка. Гэта звязана з частковай зменай маршруту, паведамляе агенцтва «Мінск-Навіны».
Хургада ў Егіпце. Фота: Xavier DESMIER /Gamma-Rapho via Getty Images
Цяпер працягласць рэйса з Мінска ў Хургаду складзе каля 6 гадзін 10 хвілін (раней 6 гадзін 55 хвілін), у Шарм-эль-Шэйх — прыкладна 6 гадзін (раней 6 гадзін 50 хвілін).
Зваротныя рэйсы таксама стануць карацейшымі: палётны час Хургада — Мінск — 6 гадзін 5 хвілін, Шарм-эль-Шэйх — Мінск — каля 6 гадзін.
Раней рэйсы выконваліся ў аблёт праз абмежаванні на палёты над некаторымі тэрыторыямі Расіі.
Таксама норма правозу рэгістраванага багажу на аднаго пасажыра павялічылася з 14 кг да 23 кілаграмаў. Для ручной паклажы абмежаванне па вазе складае 5 кілаграмаў.
Каментары