У брытанскім Манчэстэры каля сінагогі 1 кастрычніка, на яўрэйскае свята Ём-Кіпур невядомы мужчына здзейсніў напад на людзей са смяротнымі вынікамі.
Паводле паведамленняў, невядомы мужчына спачатку наўмысна накіраваў свой аўтамабіль на людзей, якія знаходзіліся каля будынка сінагогі. Пасля гэтага ён выскачыў з машыны і пачаў нападаць на прысутных з нажом. У выніку два чалавекі загінулі, яшчэ як мінімум трое атрымалі раненні рознай ступені цяжкасці.
Паліцыя, якая аператыўна прыбыла на месца здарэння, застрэліла нападніка. Да сінагогі таксама выклікалі сапёраў — ёсць падазрэнне, што маглі быць і іншыя пагрозы.
Рэакцыя на трагедыю прагучала на самым высокім узроўні. Прэм’ер-міністр Вялікабрытаніі Кір Стармер сказаў, што ён глыбока шакаваны і абураны гэтым нападам. Асабліва ён падкрэсліў, што тое, што злачынства адбылося ў дзень Ём-Кіпур — адзін з найсвяцейшых дзён у іудаізме, — робіць трагедыю яшчэ больш жахлівай. У сувязі з падзеямі Стармер скараціў свой візіт у Капенгаген і тэрмінова вяртаецца ў Лондан, каб узяць удзел у экстранным пасяджэнні кабінета міністраў.
Букінгемскі палац таксама апублікаваў заяву: кароль Карл ІІІ і каралева-кансорт Каміла «глыбока засмучаныя і ўражаныя» тым, што здарылася. Яны выказалі спачуванні сем’ям загінулых і ўсёй яўрэйскай супольнасці, адзначыўшы, што напад у такі важны і знакавы дзень наносіць асабліва балючы ўдар.
У Францыі мяркуюць, што свіныя галовы да мячэцяў падкідалі сербы, звязаныя з Расіяй
«Інакш нельга, бяспека — перш за ўсё». Актобэрфэст часова закрылі з-за пагроз з боку леварадыкалаў
Страляніна і выбухі на поўначы Мюнхена: адзін загінуў, адзін паранены
Падчас тэракту ў Іерусаліме загінуў рабін родам з Беларусі
Каментары
Джоан Роўлінг бы нават такое не выдумала