Форвард саудаўскага «Ан-Насра» і зборнай Партугаліі Крышціяну Раналду стаў першым футбалістам-мільярдэрам — яго багацце павялічылася да $1,4 млрд, згодна з індэксам мільярдэраў Bloomberg, піша выданне.
Фота: інстаграм Крышціяну Раналду
У чэрвені 40‑гадовы форвард падпісаў новы кантракт з «Ан-Насрам» на суму больш за $400 млн.
Усяго Раналду зарабіў больш за $550 млн з 2002 па 2023 год. Ён таксама падпісаў дзесяцігадовы кантракт з Nike на амаль $18 млн у год і супрацоўнічаў з такімі брэндамі, як Armani і Castrol, што павялічыла яго багацце больш чым на $175 млн.
Пераход у «Ан-Наср» у 2023 годзе прынёс яму каля $200 млн у год у выглядзе не абкладанага падаткам заробку і бонусаў, а таксама дадатковых льгот, уключаючы падпісны бонус памерам $30 млн, падлічыла агенцтва.
Цяпер чытаюць
Крык душы Бяспалава пра Ціханоўскага: Ён ператвараецца ў Лукашэнку 2.0, гэта траянскі конь82
Каментары