Прэзідэнт Літвы: Задача Ціханоўскай і яе каманды — ацаніць, хочуць яны застацца ў Літве ці выбраць іншае месца
Гітанас Наўседа заявіў, што Святлана Ціханоўская пры гэтым застаецца госцяй Літвы.
Прэзідэнт Літвы Гітанас Наўседа сказаў, што ўзровень аховы Святланы Ціханоўскай быў зніжаны на падставе высноў кампетэнтных службаў, піша Delfi.
«Сапраўды, усё застаецца так, як было, і спадарыня Ціханоўская застаецца госцяй нашай дзяржавы. Мы сапраўды даем прытулак людзям, якіх пераследуюць як апазіцыянераў», — заявіў Наўседа.
«У дачыненні да спадарыні Ціханоўскай нічога не мяняецца. Я думаю, што сігналы, якія мы пасылаем міжнароднай супольнасці, застаюцца ранейшымі. А задача спадарыні Ціханоўскай і яе каманды — ацаніць, ці хочуць яны застацца ў Літве ці выбраць іншае месца. У любым выпадку, з нашага боку нічога не мяняецца», — сказаў ён.
Літва прыняла рашэнне аб скарачэнні фізічнай аховы лідара беларускіх дэмсіл. Яе ахова перадаецца са Службы бяспекі першых асоб дзяржавы ў Бюро крымінальнай паліцыі. Гэтае рашэнне ўступіла ў сілу з 1 кастрычніка.
Раней Наўседа каментаваў, што сітуацыю са зменай аховы Ціханоўскай занадта драматызуюць.
Каментары
"я конечно за, но...."
[Зрэдагавана]