Prezident Litvy: Zadača Cichanoŭskaj i jaje kamandy — acanić, chočuć jany zastacca ŭ Litvie ci vybrać inšaje miesca
Hitanas Naŭsieda zajaviŭ, što Śviatłana Cichanoŭskaja pry hetym zastajecca hościaj Litvy.
Prezident Litvy Hitanas Naŭsieda skazaŭ, što ŭzrovień achovy Śviatłany Cichanoŭskaj byŭ źnižany na padstavie vysnoŭ kampietentnych słužbaŭ, piša Delfi.
«Sapraŭdy, usio zastajecca tak, jak było, i spadarynia Cichanoŭskaja zastajecca hościaj našaj dziaržavy. My sapraŭdy dajem prytułak ludziam, jakich pieraśledujuć jak apazicyjanieraŭ», — zajaviŭ Naŭsieda.
«U dačynieńni da spadaryni Cichanoŭskaj ničoha nie mianiajecca. Ja dumaju, što sihnały, jakija my pasyłajem mižnarodnaj supolnaści, zastajucca raniejšymi. A zadača spadaryni Cichanoŭskaj i jaje kamandy — acanić, ci chočuć jany zastacca ŭ Litvie ci vybrać inšaje miesca. U lubym vypadku, z našaha boku ničoha nie mianiajecca», — skazaŭ jon.
Litva pryniała rašeńnie ab skaračeńni fizičnaj achovy lidara biełaruskich demsił. Jaje achova pieradajecca sa Słužby biaśpieki pieršych asob dziaržavy ŭ Biuro kryminalnaj palicyi. Hetaje rašeńnie ŭstupiła ŭ siłu z 1 kastryčnika.
Raniej Naŭsieda kamientavaŭ, što situacyju sa źmienaj achovy Cichanoŭskaj zanadta dramatyzujuć.
«Piensijanieram dzieci pieraškadžajuć!» U Breście nie pieršy miesiac iduć sprečki nakont miesca dla budaŭnictva dziciačaha sada5
Kamientary
"ia koniečno za, no...."
[Zredahavana]