Па даных Белгідрамета, у ноч на 18 лістапада ў многіх рэгіёнах Беларусі прагназуюцца моцныя ападкі ў выглядзе дажджу і мокрага снегу. Такія ўмовы надвор'я могуць быць небяспечныя для здароўя і жыцця, папярэджвае МНС.
Здымак ілюстрацыйны. Крыніца: БелТА
Каб не падвяргацца рызыцы, ратавальнікі рэкамендуюць заставацца дома і прытрымлівацца асноўных мер бяспекі.
Калі ўсё ж людзі апынуліся на дварэ, ім раяць:
- пастарацца схавацца ад непагадзі ў будынках;
- пазбягаць няўстойлівых пабудоў і канструкцый;
- насіць абутак з няслізкай падэшвай, каб паменшыць рызыку падзення на мокрай або заснежанай паверхні.
Тым, хто карыстаецца аўтамабілем:
- паставіць машыну ў гараж, а калі гэта немагчыма — прыпаркаваць яе далёка ад дрэў і ненадзейных канструкцый;
- быць уважлівымі за рулём і строга выконваць правілы дарожнага руху.
Каментары