Хтосьці з ваенкамата Гомельшчыны забраніраваў люксавыя апартаменты і выпадкова апублічыў гэта
У афіцыйным тэлеграм-канале ваенкамата Гомельскай вобласці «ВКГО 24/7» сёння раніцай быў апублікаваны скрыншот браніравання ў люксавых апартаментах DannaMall у Мінску. Пост быў адразу ж выдалены, але захаваўся ў кэшы Telegram, заўважыў Reform.news.

Жыллё ў Мінску па вуліцы Пятра Мсціслаўца, 17 забраніравана на дзве ночы з 24 па 26 лістапада. Двухпакаёвая кватэра агульнай плошчай 63 кв. метры з дзвюма спальнямі знаходзіцца на 16 паверсе. Яе кошт — 200 беларускіх рублёў за ноч.

Не зусім зразумела, ці ідзе гаворка пра службовую камандзіроўку, ці адміністратар канала падзяліўся падрабязнасцямі прыватнага падарожжа ў працоўныя будні. У любым выпадку, публікацыя адбылася памылкова і была выдалена.

Ваенным камісарам Гомельскай вобласці з'яўляецца Андрэй Крываносаў.
Каментары