Грамадзянін Францыі спрабаваў уехаць з Літвы ў Беларусь з пісталетам і боепрыпасамі да яго, паведаміў Дзяржаўны мытны камітэт.
Прыбыўшы рэйсавым аўтобусам у пункт пропуску «Каменны Лог», мужчына пайшоў па зялёным калідоры. Аднак тэхнічныя сродкі кантролю засведчылі наяўнасць у яго металічных прадметаў.
Падчас надгляду ў яго знайшлі пісталет Walther mod. 9 з пяццю патронамі ў абойме.
Экспертыза Дзяржаўнага камітэта судовых экспертыз па Гродзенскай вобласці ўстанавіла, што пісталет прыдатны для стральбы. Распачата крымінальная справа.
Каментары