Такіх прапаноў больш за два дзесяткі.
Такіх прапаноў больш за два дзесяткі.
Пераважная большасць – гэта краіны СНД: Азербайджан, Украіна, Расія, Арменія, Казахстан, Кіргізія, Таджыкістан, Узбекістан, Малдова. Віза не патрэбная і для ўезду на тэрыторыю Грузіі.
На Балканскім паўвостраве беларусаў без візы гатова сустрэць Сербія (тэрмінам да 30 дзён). Каб наведаць Чарнагорыю і Македонію, акрамя нацыянальнага пашпарта пры сабе трэба мець турыстычны ваўчар альбо запрашэнне. Харватыя сёлета мела намер для грамадзян Беларусі на перыяд з 1 красавіка да 31 кастрычніка адмяніць візавы рэжым. Але, на жаль, гэтага не адбылося. А такой магчымасцю з нашых суседзяў могуць скарыстацца расіяне і ўкраінцы.
Да 30 дзён без візы можна знаходзіцца на Кубе. Для Венесуэлы гэты тэрмін складае 90 дзён, але без права займацца камерцыйнай і аплачваемай дзейнасцю. Да 90 дзён можна адпачываць у Перу і Эквадоры. Бязвізавае наведванне Кітая дазваляецца толькі ў складзе турыстычнай групы.
Летась Гандурас і Нікарагуа ў аднабаковым парадку адмянілі візавы рэжым для грамадзян Беларусі. Тое самае і з Малайзіяй. Але, каб наведаць гэтую краіну, трэба мець пры сабе квіткі на зваротную дарогу, а таксама пацвердзіць сваю плацежаздольнасць на час паездкі.
Беларусы пры наяўнасці нацыянальнага пашпарта і запрашэння ці турыстычных дакументаў могуць пабываць таксама ў Манголіі.
У чым прычына незадаволенасці жыхароў мікрараёна Лебядзіны ў Мінску? Вось што насамрэч там планавалі будаваць6
Каментары