Адзіны выпадак, калі нашае палітычнае балота пачынае інтэнсіўна пускаць бурбалкі, гэта калі справа нейкім бокам тычыцца сэксу.
Адзіны выпадак, калі нашае палітычнае балота пачынае інтэнсіўна пускаць бурбалкі, гэта калі справа нейкім бокам тычыцца сэксу.
Сапраўднага палітычнага жыцця ў Беларусі няма. Калі няма палітыкі, то што ж ёсць? Ёсць тэатр аднаго актора, які працуе ў рэжыме маналога. У ягоным атачэнні палітыку замяняюць брутальныя бойкі пад коўдрай з удзелам чыноўніцкіх кланаў. З іншага боку, у апазіцыі, прысутнічае амаль чыстае дысідэнства, якое сваім лозунгам смела можа абіраць словы з песні Ягора Летава «Я заўжды буду супраць».
Калі з уладай усё зразумела (тут палітык адзін і, адпаведна, нікога іншага побач з сабой Аляксандр Лукашэнка не пацерпіць), то чаму ж такія праблемы ў лагеры ягоных канкурэнтаў? Нейкіх якасных праграмных дыскусій у апазіцыі вельмі даўно не было. Хіба што трызненне пра тое, што лепш для Беларусі — Захад ці Усход. Але гэта вечная тэма. Ды й гады дыскусій над тэмай даўно ўжо збілі накал.
Нейкія псеўдапалітычныя патугі назіраюцца ў у апазіцыйных партыяў у часе выбараў, але з-за практычнай адсутнасці сапраўднай канкурэнцыі хутка, я думаю, і тут будзе поўны штыль.
Адзіны выпадак, калі нашае палітычнае балота пачынае інтэнсіўна пускаць бурбалкі, гэта калі справа нейкім бокам тычыцца сэксу.
Ці то гей-прайд, ці то ўяўны вібратар для ўяўнай жонкі апазіцыйнага палітыка — толькі гэта сёння выклікае вострыя словы і жаданне дэманстраваць прынцыповасць сярод палітычных лідэраў.
Мяне здзівіла інтэрв’ю Яраслава Раманчука для «Народнай Волі». Але толькі ў тым кантэксце, што гэта інтэрв’ю кандыдата ў прэзідэнты, якія заўжды спрабуюць пазьбягаць нейкіх экстравагантных выхадак.
Прынамсі, калі гэта сур’ёзныя, а не нішавыя кандыдаты.
Калі інтэрв’ю выклікала здзіўленне, дык рэакцыю некаторых палітычных сілаў спрагназаваць было вельмі лёгка.
— Хачу сказаць, што з такімі заявамі Яраславу Раманчуку будзе складана, нават немагчыма дамовіцца на сумесную працу не толькі з БХД, але і з многімі прадстаўнікамі правацэнтрысцкай апазіцыі. (каментар сустаршыні БХД Аляксея Шэіна сайту «Мы» — nn.by).
Прабачце, але падмяняць палітычны працэс дыскусіяй пра вібратар, і на гэтай падставе заяўляць пра адсутнасць шансаў на пабудову палітычнай кааліцыі — гэта ўжо занадта.
У гэтым выпадку вібратар варта разглядаць выключна як сімвал імпатэнцыі. У тым ліку і палітычнай.
-
Рэжым Лукашэнкі часова стане менш агрэсіўным да суседзяў, але стратэгічна будзе імкнуцца да авалодання атамнай зброяй
-
«Знайшлі крайняга», а «паставяць салдафона якога-небудзь». У сацсетках адрэагавалі на звальненне кіраўніка «Мінсктранса»
-
Цыганкоў: Не падазраваў, што Бабарыка з'яўляецца прыхільнікам сацыялізму — мары сярэдняга чалавека
Каментары