Інтэрнэт-гігант Google звярнуўся да ўрадаў ЗША і еўрапейскіх краін з просьбай аказаць ціск на Кітай у справеінтэрнэт-цэнзуры . На думку прадстаўнікоў Google, яна парушае правілы свабоднага гандлю.
Вядучы адвакат кампаніі, Дэвід Драмонд, выказаў меркаванне, што перамовы урадаў з’яўляюцца адзінай магчымасцю паўплываць на сітуацыю і зняць цэнзуру. Ён удакладніў, што дзеянні Пекіна прыводзяць у нявыгаднае становішча на рынку транснацыянальныя кампаніі.
Раней Google перанакіраваў пошукавыя запыты з свайго кітайскага сайта Google.cn на партал Google.com.hk праз тое, што Кітай абмяжоўвае свабоду слова ў інтэрнэце. У прыватнасці, кампанія паскардзілася на блакаванне сайтаў Facebook, YouTube, Google Docs і Blogger.
У студзені Google стаў ахвярай кібератакі, у арганізацыі якой абвінавацілі хакераў з Кітая. Прадстаўнікі кампаніі паведамлялі, што мэтай атакі сталі кітайскія праваабаронцы, чые электронныя паштовыя скрыні былі зламаныя. Пасля гэтага Google заявіў аб намеры спыніць дзейнасць ў Кітаі. Гаворка зайшла не толькі аб закрыцці кітайскага сайта Google, але і ўсіх офісаў карпарацыі, якія працуюць на тэрыторыі Паднябеснай.
У адказ МЗС Кітая заявіў, што кантралюе інтэрнэт у адпаведнасці з міжнароднымі нормамі, і заклікаў замежныя кампаніі прытрымлівацца свайго заканадаўства.
Цяпер чытаюць
Што ў рэальнасці адбылося пад Смалявічамі? Вось самая лагічная прычына налёту ашалелых расійскіх малалетак2
Каментары