Internet-hihant Google źviarnuŭsia da ŭradaŭ ZŠA i jeŭrapiejskich krain z prośbaj akazać cisk na Kitaj u spravieinternet-cenzury . Na dumku pradstaŭnikoŭ Google, jana parušaje praviły svabodnaha handlu.
Viadučy advakat kampanii, Devid Dramond, vykazaŭ mierkavańnie, što pieramovy uradaŭ źjaŭlajucca adzinaj mahčymaściu paŭpłyvać na situacyju i źniać cenzuru. Jon udakładniŭ, što dziejańni Piekina pryvodziać u niavyhadnaje stanovišča na rynku transnacyjanalnyja kampanii.
Raniej Google pieranakiravaŭ pošukavyja zapyty z svajho kitajskaha sajta Google.cn na partał Google.com.hk praz toje, što Kitaj abmiažoŭvaje svabodu słova ŭ internecie. U pryvatnaści, kampanija paskardziłasia na błakavańnie sajtaŭ Facebook, YouTube, Google Docs i Blogger.
U studzieni Google staŭ achviaraj kibierataki, u arhanizacyi jakoj abvinavacili chakieraŭ z Kitaja. Pradstaŭniki kampanii paviedamlali, što metaj ataki stali kitajskija pravaabaroncy, čyje elektronnyja paštovyja skryni byli złamanyja. Paśla hetaha Google zajaviŭ ab namiery spynić dziejnaść ŭ Kitai. Havorka zajšła nie tolki ab zakryćci kitajskaha sajta Google, ale i ŭsich ofisaŭ karparacyi, jakija pracujuć na terytoryi Padniabiesnaj.
U adkaz MZS Kitaja zajaviŭ, što kantraluje internet u adpaviednaści ź mižnarodnymi normami, i zaklikaŭ zamiežnyja kampanii prytrymlivacca svajho zakanadaŭstva.
Kamientary