Сацыял-дэмакраты саступілі, да ўлады вяртаюцца хрысціянскія дэмакраты.
Сацыял-дэмакраты саступілі, да ўлады вяртаюцца хрысціянскія дэмакраты.
Цэнтраправіца перамагла на парламенцкіх выбарах у Славаччыне. Як паведамляе статыстычнае ўпраўленне краіны, якое займаецца падлікам галасоў, чатыры апазіцыйныя партыі разам атрымалі 78 месцаў са 150 у парламенце. Гаворка ідзе пра змену ўлады, бо прэзідэнт Славаччыны выконвае цырыманіяльныя функцыі.
Папулісцкая партыя прэм'ера Фіца «Шлях — сацыял-дэмакратыя» сабрала 35% галасоў. Яна атрымае 62 месцы ў палаце дэпутатаў. Аднак слаба выступалі яе кааліцыянты. Нацыяналісты зы Славацкай нацыянальнай партыі атрымалі толькі 5,1% галасоў. А вось партыя былога аўтарытарнага і прарасійскага лідэра краіны Ўладзіміра Мэчыяра ўвогуле апынулася пад 5%-ым бар'ерам. Ім не дапамагла гульня антывугорскай картай пасля таго як Будапешт увёў закон аб падвойным грамадзянстве. Вугорцы складаюць 11% насельніцтва Славаччыны і кампактна пражываюць уздоўж мяжы.
Сярод правых партый найлепшы вынік паказаў Хрысціянска-дэмакратычны саюз — 15,4% галасоў, што дае яму 28 месцаў. З ім блакуюцца лібералы, яшчэ адна хрысціянска-дэмакратычная партыя і партыя вугорскае меншасці. Разам яны кіравалі Славаччынай на пачатку 2000-х і прывяліі краіну ў ЕС і НАТО.
Наступным прэм'ерам 5-мільённае славянскае нацыі можа стаць лідэрка хадэкаў Івэта Радзіцава.
Цяпер чытаюць
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3737
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі37
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце4646
Каментары