Загадчыца дзіцячага садка падазраецца ў крадзяжы бюджэтных сродкаў
Следчым аддзелам папярэдняга расследавання Ленінскага РУУС Мінска распачатая справа па ч. 2 арт. 210 КК ( крадзеж шляхам злоўжывання службовымі паўнамоцтвамі) у дачыненні да 37-гадовай загадчыцы дзіцячага сада.
Як паведамілі ў аддзеле інфармацыі і грамадскіх сувязяў ГУУС Мінгарвыканкама, з ліпеня 2009 года па студзень 2010 года яна фіктыўна аформіла ў штат работнікаў мінчаніна, які ніякай працы не выконваў. Налічаныя ж грашовыя сродкі, якія склалі ў агульнай суме больш за 5,5 мільёна рублёў, загадчыца прысвойвала, паралельна фіктыўна аформіўшы табелі працоўнага часу вартаўніка, чым нанесла ўрон яшчэ на 3 мільёны рублёў. У цяперашні час абвінавачаная адпушчана пад падпіску аб нявыездзе. Праводзіцца расследаванне.
Каментары