Microsoft шукае выканаўцаў беларускамоўнай вэрсіі.
Зацьверджаны бюджэт праекту беларускамоўнай вэрсіі Windows
Пры канцы верасьня новы афіцыйны прадстаўнік кампаніі Microsoft у Беларусі Андрэй Баюшчанка паведаміў аб праекце стварэньня беларускамоўнай вэрсіі Windows. Адказваючы на пытаньні IT.TUT.BY, ён паведаміў, што пакуль гаворка вядзецца пра стварэньне беларускай вэрсіі LIP (Language Interface Pack), якая будзе працаваць з XP і Vista. Стварэньне цалкам лякалізаванага прадукту будзе наступным крокам.
Па словах А. Баюшчанкі, на гэты момант зроблена галоўнае — зацьверджаны бюджэт праекту стварэньня беларускай вэрсіі Windows. Ён адмовіўся назваць памер бюджэту, спаслаўшыся на сакрэтнасьць гэтай інфармацыі.
На пытаньне, хто будзе займацца перакладам на беларускую мову, сп. Баюшчанка адказаў наступнае: «Увесь праект знаходзіцца на стадыі падрыхтоўкі да рэалізацыі. Шукаюцца як выканаўцы тэхнічнай часткі стварэньня беларускамоўнай вэрсіі Windows, так і арганізацыі, што будуць займацца стварэньнем і пацьверджаньнем валіднасьці слоўніка». Пакуль не вядома, хто мае заняцца перакладам.
Старшыня Таварыства беларускай мовы Алег Трусаў выказаў гатовасьць да супрацы з Microsoft: «Мы два гады вядзем перамовы з маскоўскай філіяй гэтай кампаніі і вельмі добра, што цяпер у Беларусі ёсьць свой прадстаўнік. Мы заўсёды гатовыя аказаць паслугі».
Беларускамоўная вэрсія Windows мусіць зьявіцца ў чэрвені 2007 г.
Цяпер чытаюць
Cцяпан Латыпаў трэці раз спрабаваў здзейсніць суіцыд у турме4
Cцяпан Латыпаў трэці раз спрабаваў здзейсніць суіцыд у турме
Часам нечаканая гісторыя беларускіх гімнаў: «Мы выйдзем шчыльнымі радамі», «Пагоня», «Жыве Беларусь», «Радзіма мая дарагая», «Магутны Божа» (з ВІДЭА)1313
Каментары