Устудзені-жніўні ў Мінску трэцяя частка злачынстваў учынена грамадзянамі ў стане алкагольнага ап’янення, паведаміў напрэс-канферэнцыі 29 верасня намеснік начальніка ГУУС Мінгарвыканкама Ігар Яўсееў.
За
Яўсееў паведаміў, што сталічная міліцыя таксама займаецца выяўленнем вырабу і распаўсюджвання фальсіфікаваных алкагольных напояў. Паводле яго слоў, «грамадзяне таксама займаюць актыўную пазіцыю і паведамляюць аб гэтых фактах у міліцыю». За восем месяцаў было прынята 327 паведамленняў, з якіх 281 пацвердзілася. На 1 верасня канфіскавана 58 тыс. літраў самагону і брагі і 24 тыс. літраў фальсіфікаваных напояў. Для параўнання: за аналагічны леташні перыяд — 13,4 тыс. л. Ад алкагольнага атручэння памерла 199 чалавек (у 2009 годзе — 290).
Яўсееў таксама паведаміў, што на 1 верасня за распіванне спіртных напояў і знаходжанне ў стане алкагольнага ап’янення ў грамадскіх месцах да адміністрацыйнай адказнасці прыцягнута 21.803 чалавекі, траціна з іх — за распіванне піва.
За восем месяцаў за кіраванне транспартнымі сродкамі ў стане алкагольнага ап’янення прыцягнута 4.964 вадзіцелі, што «крыху больш, чым за аналагічны перыяд мінулага года».
На прафуліку з дыягназам «алкагалізм» знаходзяцца 3.475 чалавек, на дыспансерны ўлік накіравана 2.302 чалавекі, у ЛПУ — 623 хранічныя алкаголікі, у тым ліку 60 жанчын.
Каментары