Афіцыйны сайт Менгарвыканкаму паведаміў, што ў ноч сьвята Ўсіх Сьвятых (Хэлоўіну) ў сталіцы сатаністы паспрабалі ўчыніць пажар у будынку царквы «Перамяненьне Гасподняе» на праспэкце Газэты «Праўда» ў мікрараёне Паўднёвы Захад.
Афіцыйны сайт Менгарвыканкаму паведаміў, што ў ноч сьвята Ўсіх Сьвятых (Хэлоўіну) ў сталіцы сатаністы паспрабалі ўчыніць пажар у будынку царквы «Перамяненьне Гасподняе» на праспэкце Газэты «Праўда» ў мікрараёне Паўднёвы Захад. Цяпер праваахоўчыя органы займаюцца расьсьледаваньнем пажару і высьвятленьнем асобаў, вінаватых у падпале.
«Сатаністы тут былі, сьвята ў іх нейкае было. Яны сьпярша на могілках былі, а пасьля сюды перабраліся, дошкі на першым паверсе падпалілі», - перадае словы вартаўніка царквы «Комсомолькая правда» в Белоруссии».
Прэс-цэнтар МГУ МНС паведаміў, што прычынай пажару, у выніку якога былі пашкоджаныя будаўнічыя матэрыялы, разьбітая шыба, закураная столь першага паверху, стаўся падпал.
У Беларусі пэрыядычна становіцца вядома пра апаганьваньне магілаў, храмаў. Аднак афіцыйных пацьверджаньняў існаваньня ў краіне сатанісцкіх сэктаў пакуль няма. Паводле экспэртаў, часта апаганьваньнем могілак займаюцца маладзёны з ультранацыяналістычных палітычных груповак, такіх як РНЕ і НБП.
Фота globus.tut.by
Каментары