Лукашэнка: Кошт «Белтрансгазу» будзе вызначаны на перамовах, а не паводле ацэнкі банку
Такую пазіцыю беларускі бок абазначыў на праведзеных у Маскве перагаворах на вышэйшым узроўні, паведаміў сёння прэзідэнт Беларусі на нарадзе па пытаннях забеспячэння краіны энерганосьбітамі.
Кошт ААТ «Белтрансгаз» будзе вызначаны па выніках перагавораў, а не па выніках ацэнкі банка. Такую пазіцыю беларускі бок абазначыў на праведзеных у Маскве перагаворах на вышэйшым узроўні, паведаміў сёння прэзідэнт Беларусі на нарадзе па пытаннях забеспячэння краіны энерганосьбітамі. «Мы за тое, каб стварыць сумеснае прадпрыемства з Расійскай Федэрацыяй на базе «Белтрансгазу» і «Газпрама». Але рабіць мы гэта будзем на рыначных умовах - так, як Расійская Федэрацыя гаворыць аб пастаўках газу і нафты. Гэта значыць, мы не можам аддаць або перадаць «Газпраму» «Белтрансгаз» бясплатна, ці то 10 працэнтаў, 50 працэнтаў або любая іншая колькасць акцый. Гэта павінна быць на рыначных умовах», - падкрэсліў Аляксандр Лукашэнка. «Сёння праводзіцца ацэнка актываў «Белтрансгазу» нідэрландскім банкам. Гэта ацэнка стане пэўным пунктам адліку ў перагаворах па цане «Белтрансгазу», - адзначыў беларускі лідэр. «Я прывёў Уладзіміру Пуціну канкрэтны прыклад, калі немцы куплялі чэшскую сістэму, якая ў 2,5-3 разы меншая, чым беларуская. І яны заплацілі ў доларавым эквіваленце $5,5 млрд. за яе. Таму калі ацэньваць сёння «Белтрансгаз», і гэта не як чэшская кампанія - адгалінаванне збоку, а магістральныя газаправоды, то гэта будзе значна даражэй, прыкладна ў 2 разы, больш як пад $10 млрд., а то і $12 млрд. Некаторыя спецыялісты і да $17 млрд. ацэньваюць сёння «Белтрансгаз». Мы будзем настойваць на адэкватнай ацэнцы. Якая гэта будзе ацэнка - мы вырашым у выніку перагавораў, а не ў выніку ацэнкі банка. Таму што ацэнка банка - гэта адна з прапаноў, а далей мы будзем усё лічыць. З гэтым і пагадзіліся. У залежнасці ад гэтага, лічу, будзе залежаць у перспектыве цана на прыродны газ, што пастаўляецца ў Беларусь», - рэзюмаваў кіраўнік беларускай дзяржавы.
-
Вызваліўся адзін з пачынальнікаў беларускамоўнага ЖЖ Іван Марозаў — гэта быў яго другі палітычны тэрмін
-
Рэкорднымі тэмпамі ідзе збор на ўкол для Ксюшы з магілёўскага дзетдома, ад якой адмовілася мама — яшчэ плюс $190 тысяч за дзень
-
Слонімская бальніца выбачылася за машыну хуткай дапамогі, што прыехала на выклік да інваліда
Цяпер чытаюць
Бабарыка: Не могуць здымацца санкцыі з прадпрыемстваў і людзей, задзейнічаных у вайне. Выпусціце палітвязняў цаной забойства ўкраінцаў?28
Бабарыка: Не могуць здымацца санкцыі з прадпрыемстваў і людзей, задзейнічаных у вайне. Выпусціце палітвязняў цаной забойства ўкраінцаў?
Максім Знак пра прэс-канферэнцыю ва Украіне: Мы дамовіліся не ўздымаць найбольш балючыя тэмы — катаванняў, санкцый, вайны. Можа, мусілі мы па-іншаму зрабіць88
Каментары