КДБ пачаў «апрацоўваць» шырэйшае кола сваякоў арыштаваных кандыдатаў у прэзідэнты.
Як стала вядома «Нашай Ніве», пачаўся ператрус у сястры арыштаванага кандыдата ў прэзідэнты Алеся Міхалевіча Лёлі. Яна жыве ў Мінску.
У суботу прайшлі ператрусы ў кватэрах, якія належаць самому палітыку.
Дзверы адамкнуў 16-гадовы сын Алены Міхалевіч, які быў адзін дома. Гаспадыні супрацоўнікі патэлефанавалі, папрасілі пакінуць усе справы і прыехаць дахаты. Каля дзвюх гадзінаў яны чакалі Алену на кухні. Ператрус хутка скончыўся, супрацоўнікі нічога не знайшлі. 25 снежня прайшлі ператрусы ў кватэрах, якія належаць самому палітыку.
Алена Міхалевіч паведаміла, што ёй сказалі 28 снежня прыйсці на допыт у КДБ, аднак яна адказала, што будзе чакаць позву.
Як стала вядома «Хартыі97», цяпер супрацоўнікі КДБ ладзяць ператрус у кватэры ў сына Андрэя Саньнікава — Канстанціна. Канстанцін — старэйшы сын ад першага шлюбу, яму 35 гадоў.
Нагадаем, раней ператрусы прайшлі ў кватэры самога Андрэя Саннікава і ў кватэры бацькоў яго жонкі Ірыны — сям’і Халіп.
«Размаўляў увесь час па-беларуску». Павел Севярынец запісаў свой першы зварот пасля вызвалення18
«Размаўляў увесь час па-беларуску». Павел Севярынец запісаў свой першы зварот пасля вызвалення
«Па-беларуску «Слана» Філіпенкі набывалі больш ахвотна, чым па-руску». Якія кнігі сёння ў топе? Інтэрв'ю з кіраўніцай выдавецтва Gutenberg Publisher55
Каментары