Замяталін зноў запатрабаваны
Прэс-сакратар штабу Лукашэнкі Зьміцер Косьцін пацьвердзіў, што Замяталін зьяўляецца ў штабе: «Ён прыходзіў, зь ім праводзіліся кансультацыі на прадмет таго, ці згодны ён працаваць. Аднак у яго няма працоўнага кабінэту, тэлефона. У зьвязку з гэтым я не магу пацьвердзіць, што ён працуе ў штабе».
Прэс-сакратар штабу Лукашэнкі Зьміцер Косьцін пацьвердзіў, што Замяталін зьяўляецца ў штабе: «Ён прыходзіў, зь ім праводзіліся кансультацыі на прадмет таго, ці згодны ён працаваць. Аднак у яго няма працоўнага кабінэту, тэлефона. У зьвязку з гэтым я не магу пацьвердзіць, што ён працуе ў штабе».
Іншыя крыніцы кажуць, што працоўны кабінэт у Замяталіна ёсьць. І што ён — намесьнік Шэймана, адказны ў штабе за ідэалягічны кірунак. І што начальнік ізноў паклікаў яго яшчэ два месяцы таму.
У 1994 г. Замяталін працаваў у штабе Вячаслава Кебіча, з 1995-га па 2001-шы — пры Лукашэнку. Быў віцэ-прэм’ерам, першым намесьнікам кіраўніка Адміністрацыі прэзыдэнта. Але 12 верасьня 2001 г., на трэці дзень пасьля прэзыдэнцкіх выбараў, быў зьняты з гэтай пасады. Пэўны час ён жыў у Маскве. І вось — чарговае вяртаньне. Што азначае яно?
Палітаглядальнік Андрэй Суздальцаў лічыць, што Замяталін — непераўзыдзены паліттэхноляг, вельмі прафэсійны, прычым «не навучаны, а таленавіты»: «Ён можа раскруціць усё — ад сельскагаспадарчай выставы да кандыдата ў прэзыдэнты. Ён зробіць гэта цынічна, ня лічачыся з рэпутацыяй і этыкай. Ён у 1996-м вынайшаў тэрмін «народны прэзыдэнт», яго праца дапамагла Лукашэнку абыграць усіх падчас лістападаўскага крызісу-96. Улада ўпершыню вымушана «купляць» прэзыдэнцкую кампанію, яна апэруе вонкавым рэсурсам — газам, сама кампанія ідзе няроўна. 2 млн подпісаў — сьведчаньне таго самага. Замяталін рыхтуе мабілізацыю народных масаў, старт якой будзе дадзены ўсебеларускім народным сходам, дзе будзе адбывацца перадача ўлады народам свайму прэзыдэнту. Вось гэты трыптых «прэзыдэнт—народ—дзяржава», стварэньне такога тыпу божышча, адзінага ў трох абліччах, — пэрсанальная справа Замяталіна». Улада ператвараецца ў рэлігію, і Замяталін тут незаменны піяршчык, мяркуе А.Суздальцаў.
Цяпер чытаюць
Трамп заявіў, што ідуць перамовы пра вызваленне яшчэ 50 беларускіх палітвязняў, і назваў іх «закладнікамі»39
Трамп заявіў, што ідуць перамовы пра вызваленне яшчэ 50 беларускіх палітвязняў, і назваў іх «закладнікамі»
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х1515
Каментары