Zamiatalin znoŭ zapatrabavany
Pres-sakratar štabu Łukašenki Źmicier Kościn paćvierdziŭ, što Zamiatalin źjaŭlajecca ŭ štabie: «Jon prychodziŭ, ź im pravodzilisia kansultacyi na pradmiet taho, ci zhodny jon pracavać. Adnak u jaho niama pracoŭnaha kabinetu, telefona. U źviazku z hetym ja nie mahu paćvierdzić, što jon pracuje ŭ štabie».
Pres-sakratar štabu Łukašenki Źmicier Kościn paćvierdziŭ, što Zamiatalin źjaŭlajecca ŭ štabie: «Jon prychodziŭ, ź im pravodzilisia kansultacyi na pradmiet taho, ci zhodny jon pracavać. Adnak u jaho niama pracoŭnaha kabinetu, telefona. U źviazku z hetym ja nie mahu paćvierdzić, što jon pracuje ŭ štabie».
Inšyja krynicy kažuć, što pracoŭny kabinet u Zamiatalina jość. I što jon — namieśnik Šejmana, adkazny ŭ štabie za idealahičny kirunak. I što načalnik iznoŭ paklikaŭ jaho jašče dva miesiacy tamu.
U 1994 h. Zamiatalin pracavaŭ u štabie Viačasłava Kiebiča, z 1995-ha pa 2001-šy — pry Łukašenku. Byŭ vice-premjeram, pieršym namieśnikam kiraŭnika Administracyi prezydenta. Ale 12 vieraśnia 2001 h., na treci dzień paśla prezydenckich vybaraŭ, byŭ źniaty z hetaj pasady. Peŭny čas jon žyŭ u Maskvie. I voś — čarhovaje viartańnie. Što aznačaje jano?
Palitahladalnik Andrej Suzdalcaŭ ličyć, što Zamiatalin — niepieraŭzydzieny palittechnolah, vielmi prafesijny, pryčym «nie navučany, a talenavity»: «Jon moža raskrucić usio — ad sielskahaspadarčaj vystavy da kandydata ŭ prezydenty. Jon zrobić heta cynična, nia ličačysia z reputacyjaj i etykaj. Jon u 1996-m vynajšaŭ termin «narodny prezydent», jaho praca dapamahła Łukašenku abyhrać usich padčas listapadaŭskaha kryzisu-96. Ułada ŭpieršyniu vymušana «kuplać» prezydenckuju kampaniju, jana aperuje vonkavym resursam — hazam, sama kampanija idzie niaroŭna. 2 młn podpisaŭ — śviedčańnie taho samaha. Zamiatalin rychtuje mabilizacyju narodnych masaŭ, start jakoj budzie dadzieny ŭsiebiełaruskim narodnym schodam, dzie budzie adbyvacca pieradača ŭłady narodam svajmu prezydentu. Voś hety tryptych «prezydent—narod—dziaržava», stvareńnie takoha typu božyšča, adzinaha ŭ troch abliččach, — persanalnaja sprava Zamiatalina». Ułada pieratvarajecca ŭ relihiju, i Zamiatalin tut niezamienny pijarščyk, miarkuje A.Suzdalcaŭ.
Ciapier čytajuć
«Zasiarodžusia na pracy z ZŠA». Cichanoŭski raskazaŭ pra svaje palityčnyja płany na 2026 hod42
Kamientary