Расійскай амбасадзе пакуль не паведамілі, калі і дзе будуць судзіць Гапонава і Брэуса
Пасольства РФ пакуль не атрымала афіцыйны адказ на запыт у МЗС Беларусі адносна даты, месца і парадку правядзення суда над расійскімі грамадзянамі Іванам Гапонавым і Арцёмам Брэусам.Пра гэта паведаміў саветнік пасольства Вадзім Гусеў.
Паводле яго слоў, запыт быў накіраваны ў МЗС 11 лютага. Пасольства просіць інфармаваць аб парадку наведвання дыпламатычнымі супрацоўнікамі судовага пасяджэння, месцы і даце яго правядзення.
16 лютага праваабаронцы паведамілі, што працэс над расійскімі грамадзянамі, якія знаходзяцца ў СІЗА КДБ, пачнецца 22 лютага ў судзе Маскоўскага раёна Мінска. Расіяне былі затрыманы 19 снежня 2010 года пры разгоне акцыі пратэсту на плошчы Незалежнасці і першапачаткова асуджаны на 10 сутак арышту. Пасля адбывання адміністрацыйнага пакарання 29 снежня яны зноў былі затрыманы ўжо ў межах крымінальнай справы аб масавых беспарадках. Зараз Гапонаў і Брэус з’яўляюцца абвінавачанымі на падставе ч. 2 арт. 293 Крымінальнага кодэкса (удзел у масавых беспарадках).
Пасольства Расіі ў Мінску 16 лютага распаўсюдзіла заяву, у якой выказала надзею на «ўсебаковы і аб’ектыўны» разгляд беларускім судом матэрыялаў спраў Гапонава і Брэуса.
-
Ездзілі шукаць нават у БССР, а неапазнанае цела тры дзесяцігоддзі захоўвалася ў спецсховішчы. Новыя дэталі загадкавага знікнення ў ЗША беларускага пісьменніка Міколы Цэлеша
-
«Нашых дзяцей з дзяцінства прывучалі да трансгендарных лялек». Шпілеўская знайшла карысць ад заходніх санкцый
-
Нятаннае паліто беларускага брэнду сапсавалася за 20 хвілін праз вільготнасць на вуліцы
Цяпер чытаюць
Чаму паліграф — не панацэя. Колькі агентаў ён бы выявіў у Каардынацыйнай радзе?17
Каментары