«Белпошта» адклікала з Расіі амаль 2.400 грашовых пераводаў
На адрас ФДУП «Пошта Расіі» паступіў афіцыйны запыт ад РУП «Белпошта» на адкліканне 2.368 грашовых пераводаў у адпаведнасці з заявамі адпраўнікоў, якімі валодае беларускі паштовы аператар. Пра гэта паведамляе афіцыйны сайт расійскага паштовага аператара.
Гэтыя пераводы паступілі ў Расію з Беларусі і зараз яшчэ не выплачаныя. У адпаведнасці з правіламі аказання паслуг паштовай сувязі, «Пошта Расіі» павінна адправіць іх назад РУП «Белпошта» для вяртання адпраўнікам.
Выплата ўсіх астатніх пераводаў з Беларусі, а таксама прыём пераводаў на адрас беларускіх атрымальнікаў ажыццяўляецца ў аддзяленнях паштовай сувязі Расійскай Федэрацыі ў звычайным рэжыме, зазначаецца ў паведамленні.
Нагадаем, 21 красавіка ў сувязі з невыкананнем «Белпоштай» сваіх фінансавых абавязацельстваў, прадугледжаных пагадненнем па абмене міжнароднымі электроннымі пераводамі, «Пошта Расіі» папярэдзіла аб магчымым спыненні выплаты паштовых пераводаў з Беларусі, калі запазычанасць «Белпошты» перад расійскім паштовым аператарам не будзе пагашаная. Паводле звестак на 21 красавіка запазычанасць складала 195 мільёнаў расійскіх рублёў.
Цяпер чытаюць
«Чакаю тавар ужо 13 дзён». Што пішуць кліенты аб праблемах Wildberries6
Каментары