У Баранавічах невядомы з нажом напаў на сям’ю ў яе ўласным доме. Гаспадыня загінула
Яе дачка выратавалася, скочыўшы з акна 2-га паверха.
Невядомы сярод дня пракраўся ў дом і нанёс гаспадыні некалькі нажавых раненняў у вобласці шыі і цела. Жанчына памерла ў бальніцы. Яе дачцы, якая таксама была ў хаце, удалося ўцячы — яна выскачыла з акна другога паверха.
Беспрэцэдэнтны выпадак адбыўся днём 8 ліпеня ў Баранавічах. Невядомы зламыснік, як мяркуецца, пракраўся ў незачынены гараж, адтуль — у склеп, злучаны з прыватным домам па вул. 50 гадоў БССР, і напаў на гаспадыню і яе дачку. На жаль, абараніць жанчын было няма каму — гаспадар дома быў у ад'ездзе.
Дзяўчынцы цудам удалося выратавацца: яна выскачыла з акна другога паверха.
Яе маці, нягледзячы на цяжкія раненні, здолела вырвацца з рук невядомага і пералезці праз плот да суседзяў, якія выклікалі «хуткую» і міліцыю.
Жанчыну даставілі ў бальніцу, але выратаваць яе жыццё медыкам не ўдалося.
«Цяпер адпрацоўваецца некалькі версій. Але сказаць, пракраўся злачынец ў дом з мэтай забойства або ж для таго, каб выкрасці штосьці, мы пакуль не можам», — адзначыў супрацоўнік следчага аддзела пракуратуры Брэсцкай вобласці Андрэй Раманюк. Супрацоўнікі праваахоўных органаў вядуць пошук злачынцы.
Цяпер чытаюць
«Засяроджуся на працы з ЗША». Ціханоўскі расказаў пра свае палітычныя планы на 2026 год38
Каментары