«Вяртання не абяцаю. Мне здаецца, што магчымасці вяртання ўжо няма», — кажа адзін з лідараў беларускага року новага пакалення.
У час зацяглага творчага крызісу Ян Маўзэр прыпыніў маўчанне, каб распавесці пра сваё захапленне творчасьцю Ёлкі, пра здымкі ў рэкламе МТС і пошук новых формаў рэалізацыі: «Вяртання не абяцаю. Мне здаецца, што магчымасці вяртання ўжо няма», — кажа адзін з лідараў беларускага року новага пакалення.
Навінаў ад Янкі Маўзэра не чуваць ужо з год. У лютым 2010 года яго гурт меўся прэзентаваць свой новы альбом Porna, але з гэтай задумы нічога ня выйшла. Тады з каманды сыйшлі два музыкі і Янку з Колхзам давялося сыграць у акустыку. Пасьля гэтага MAUZER нагадаў пра сябе толькі ўвосень, калі лідар каманды абвесціў пра змену прапіскі — з магілёўскай на мінскую — і пра набор абсалютна новых музыкаў.
З таго часу Янка з неахвотай размаўляе пра музыку. Ён наадрэз адмовіўся ад удзелу ў праекце «Тузін. Unplugged», а на пытанні як ідзе пошук музыкантаў і ці пішуцца песьні адказвае няпэўна: «Я проста разумею, што калі пачну распавядаць што і як, то гэта будзе слухацца альбо як ныццё, альбо як нейкія абяцанні. А калі рэалізацыя абяцанняў залежыць не ад мяне канкрэтна, то яны ніколі не рэалізоўваюцца», — разважае ён.
Адзіным хіба выхадам у публічную прастору для яго за гэты час былі здымкі ў рэкламным роліку МТС: «Маё траплянне туды ніяк не было звязанае з музыкай, напэўна, ім проста спадабаўся фэйс. Акторства гэта не маё, у мяне ніколі не было ілюзіяў ці амбіцый на гэты конт, але яно добра аплачваецца», — зазначае Я. Маўзер.
Ян прызнаецца, што зусім не цікавіцца беларускім музычным працэсам, а галоўным адкрыццём для сябе ў музыцы гэтага сезона называе песеньку «Праванс» Ёлкі, хоць і гэты спеў зусім не дацягвае да яго музычных ідэалаў.
«Я ніколі не капаўся ў глыбінях стыляў, каб не марнаваць свой час на пасрэднасцяў,
мне заўсёды падабаліся толькі самыя папулярныя каманды ў розных жанрах,як Metallica, KoЯn, Pink Floyd, Muse, „Мумий тролль“ і „Алиса“ да альбома „Для тех, кто свалился с луны“. Мне падабаецца патасная музыка,
Што да самай неўлюбёнай на сёння для Янкі тэмы вяртання на сцэну, дык выканаўца толькі зазначае: «Вяртання не абяцаю. Мне здаецца, што магчымасці вяртання ўжо няма».
Ян Маўзер у рэкламе МТС
Цяпер чытаюць
Мастакоў Рымашэўскага і Шчамялёву пратрымалі амаль год у СІЗА, але далі такі тэрмін, каб у судзе адпусціць дадому4
Каментары