Намесніца старшыні зарэгістраванага ў Чэхіі «Маладога Фронту» звярнулася да генеральнага пракурора Рыгора Васілевіча з патрабаваннем правесці праверку ў Горацкай калоніі № 9, дзе ўтрымліваецца лідар аб’яднання.
Зваротам дзяўчына хоча дамагчыся спынення ціску на яе нарачонага Змітра Дашкевіча з боку адміністрацыі калоніі. Адпаведны дакумент Наста адаслала ў панядзелак заказным лістом.
У звароце, паводле сайту «Маладога Фронту», дзяўчына звяртае ўвагу на парушэнне канстытуцыйных правоў зняволенага. У прыватнасці, адвакату ўжо тройчы адмовілі ў сустрэчы з лідэрам моладзевага руху без тлумачэнняў, а ад самаго Дашкевіча, акрамя аднаго ліста, навінаў няма. За такія парушэнні адміністрацыю Горацкай калоніі можна прыцягнуць да адказнасці паводле крымінальнага кодэксу.
У аўторак ці сераду адвакат збіраецца наведаць Змітра чарговы раз. Гэтым разам пра візыт адваката загадзя папярэдзілі Генпракуратуру і Упраўленне Дэпартаменту выканання пакарання Магілёўскай вобласці, а таксама адміністрацыю выпраўленчай калоніі ў Горках.
Цяпер чытаюць
Гродзенскага падлетка адправілі ў школу ў Літву — ён вывучыў літоўскую і цяпер перакладае ў Еўрапарламенце. Перакладаў ён і Ціханоўскіх12
Каментары