Namieśnica staršyni zarehistravanaha ŭ Čechii «Maładoha Frontu» źviarnułasia da hienieralnaha prakurora Ryhora Vasileviča z patrabavańniem pravieści pravierku ŭ Horackaj kałonii № 9, dzie ŭtrymlivajecca lidar abjadnańnia.
Zvarotam dziaŭčyna choča damahčysia spynieńnia cisku na jaje naračonaha Źmitra Daškieviča z boku administracyi kałonii. Adpaviedny dakumient Nasta adasłała ŭ paniadziełak zakaznym listom.
U zvarocie, pavodle sajtu «Maładoha Frontu», dziaŭčyna źviartaje ŭvahu na parušeńnie kanstytucyjnych pravoŭ źniavolenaha. U pryvatnaści, advakatu ŭžo trojčy admovili ŭ sustrečy ź lideram moładzievaha ruchu biez tłumačeńniaŭ, a ad samaho Daškieviča, akramia adnaho lista, navinaŭ niama. Za takija parušeńni administracyju Horackaj kałonii možna pryciahnuć da adkaznaści pavodle kryminalnaha kodeksu.
U aŭtorak ci sieradu advakat źbirajecca naviedać Źmitra čarhovy raz. Hetym razam pra vizyt advakata zahadzia papiaredzili Hienprakuraturu i Upraŭleńnie Departamientu vykanańnia pakarańnia Mahiloŭskaj vobłaści, a taksama administracyju vypraŭlenčaj kałonii ŭ Horkach.
Kamientary