Авіякампанія Ryanair выпусціла чарговы каляндар з напаўаголенымі сцюардэсамі
Прыбыткі ад продажаў традыцыйна пойдуць на дабрачынныя мэты.
Ірландская авіякампанія Ryanair выпусціла чарговы дабрачынны каляндар з напаўаголенымі сцюардэсамі. Аб гэтым паведамляецца на сайце кампаніі.
Як сцвярджаецца ў прэс-рэлізе, каляндар «Дзяўчыны Ryanair 2012» стаў «самым сэксуальным» за ўсю гісторыю штогадовых дабрачынных акцый кампаніі. 13 сцюардэс Ryanair зняліся для календара ў купальніках і ніжняй бялізне.
Каляндар можна набыць на сайце кампаніі за 14 еўра. Прыбыткі ад продажаў календара пойдуць у дапамогу дзецям, якія пакутуюць ад рэдкага скурнага захворвання булёзны эпідэрмаліз. Такіх дзяцей таксама называюць «дзеці-матылі».
Ryanair выпускае падобныя календары з 2008 года. Сродкі ад продажу кожны год накіроўваюцца ў розныя дабрачынныя арганізацыі.
Праціўнікі акцыі заяўляюць, што кампанія Ryanair выкарыстоўвае каляндар з напаўаголенымі дзяўчатамі ў мэтах самарэкламы. Як піша The New York Daily News, у 2009 годзе Мэры Ханібал (Mary Honeyball), адзін з лідэраў лейбарысцкай партыі Вялікабрытаніі, абвінаваціла Ryanair ў «стварэнні сэксуальнага ладу авіяіндустрыі» дзеля павелічэння свайго прыбытку. Кіраўнік авіякампаніі Майкл О’Ліры ў адказ заявіў, што ў Ханібал проста няма пачуцця гумару, і адправіў парламентару асобнік календара.
Хто з беларусаў трапіў на прыём да прэзідэнта Польшчы ШМАТ ФОТА10
Каментары