Аператыўнікамі аддзялення па наркакантролі і супрацьдзеянні гандлю людзьмі Маскоўскага РУУС Мінска пры спробе збыту буйной партыі насення маку затрыманы раней судзімы27-гадовы мінчанін.
Як паведамілі ў ГУУС, аператыўныя мерапрыемствы міліцыянеры праводзілі сумесна з супрацоўнікамі падатковай інспекцыі па Маскоўскім раёне. Затрыманне адбылося на праспекце Газеты «Звязда» ў той момант, калі гандляр ва ўласным аўтамабілі збываў партыю макавага насення асобе, якая ўжывае наркатычныя сродкі.
Падчас надглядных мерапрыемстваў у затрыманага былі знойдзены 70 кг насення маку, расфасаванага ў поліэтыленавыя пакеты вагой 0,5 і 1 кг, а таксама грашовая выручка — больш за 2,2 млн. рублёў і 77 долараў ЗША. Кілаграм насення ў падазронага каштаваў 220 тыс. рублёў.
У дачыненні да затрыманага раённай падатковай інспекцыяй складзены пратакол на падставе ч. 1 арт. 12.7 КоАП (незаконная прадпрымальніцкая дзейнасць), згодна з якой яму пагражае штраф да 50 базавых велічыняў і канфіскацыя грашовых сродкаў, выяўленых пры затрыманні. Апрача таго, у дачыненні да правапарушальніка складзены адміністрацыйны пратакол аб незаконным прыняцці замежнай валюты ў якасці плацежнага сродку, што цягне штраф у 150 базавых велічыняў. Яго аўтамабіль маркі «Форд», хутчэй за ўсё, будзе канфіскаваны ў даход дзяржавы.
Каментары