Улада5757

Французская пракуратура адмовілася арыштаваць міністра Куляшова

Паміж Францыяй і Інтэрполам існуе пагадненне, згодна з якім прадстаўнікі іншых дзяржаў, якія бяруць удзел у французскіх сустрэчах Інтэрпола, валодаюць імунітэтам.

Французская пракуратура адмовілася пераследваць міністра ўнутраных спраў Беларусі Анатоля Куляшова, які знаходзіўся 17–20 студзеня ў Францыі з візітам па лініі Інтэрпола.

Пра гэта паведаміла памочніца французскага адваката Ўільяма Бурдона, які дамагаўся арышту міністра.

«Пракуратура заявіла, што паміж Францыяй і Інтэрполам існуе пагадненне, згодна з якім прадстаўнікі іншых дзяржаў, якія бяруць удзел у французскіх сустрэчах Інтэрпола, валодаюць імунітэтам»,
 — сказала памочніца адваката.

«Мы, вядома, з гэтым не згодныя, — падкрэсліла яна. — Канвенцыя супраць катаванняў павінна пераважаць над гэтымі дамоўленасцямі».

Нагадаем, Бурдон падаў судовы пазоў супраць Куляшова ў Парыжы 19 студзеня. Дзейнічаючы ад імя пяці беларусаў, ён абвінаваціў міністра ў катаваннях.

Памочніца Бурдона не сказала, чые менавіта інтарэсы прадстаўляў адвакат.
Разам з тым грамадзянская ініцыятыва Free Belarus Now распаўсюдзіла заяву аб тым, што Бурдон дзейнічаў ад яе імя. Ініцыятыва Free Belarus Now заснаваная сем’ямі апазіцыйных палітыкаў і журналістаў, якія былі арыштаваныя падчас разгону дэманстрацыі 19 снежня 2010 года ў Мінску.

* * *

Беларуская дэлегацыя на чале з Анатолем Куляшовым брала ўдзел у перамовах, якія праходзілі 17–20 студзеня ў Ліёне ў Генеральным сакратарыяце Інтэрпола.

Міністр Куляшоў уключаны ў спіс беларускіх чыноўнікаў, якім забаронены ўезд на тэрыторыю Еўрасаюза ў сувязі з парушэннем у Беларусі стандартаў правядзення выбараў.

Але візавыя санкцыі ЕС не дзейнічаюць у выпадках, калі чыноўнікі наведваюць мерапрыемствы міжнародных арганізацый.

Каментары57

Цяпер чытаюць

Польшча прызнала Аляксандра Машэнскага непажаданай асобай35

Польшча прызнала Аляксандра Машэнскага непажаданай асобай

Усе навіны →
Усе навіны

У Мінску мужчына парваў пашпарт былой жонкі, каб не пакідаць ёй сваё прозвішча1

Шуневіч з жонкай не выйгралі права на паляванне на мядзведзя. Конкурс праводзіла арганізацыя Шуневіча4

«Пякельная праца». Беларуска расказала, як зарабіць 200 рублёў у дзень на чарніцах

Прадставілі новую калекцыю школьнага адзення на будучы сезон ФОТЫ3

На лідара «Палаца» Алега Хаменку завялі крыміналку за супрацу з медыя3

Мінчане скардзяцца, што ў горадзе вельмі моцна смярдзіць. Санстанцыя кажа, што непакоіцца няма пра што5

Фэйкавая журналістка «Новая газета Еўропа» спрабавала ўзяць інтэрв’ю ў Паўла Латушкі4

Што насамрэч знаходзіцца побач з курскім пляжам, на якім ад украінскіх дронаў пацярпелі людзі4

Беларусы ва Уроцлаве плятуць маскіровачныя сеткі для Украіны1

больш чытаных навін
больш лайканых навін

Польшча прызнала Аляксандра Машэнскага непажаданай асобай35

Польшча прызнала Аляксандра Машэнскага непажаданай асобай

Галоўнае
Усе навіны →

Заўвага:

 

 

 

 

Закрыць Паведаміць